"Şamaxı" klubunun futbolçusu Rəhman Hacıyevin Futbolmedia.Az saytına müsahibəsi.

Rəhman Premyer Liqanın 21-ci turunda səfətdə “Qəbələ”yə qarşımübarizə aparacaqsınız. Bilirsən ki, “Qəbələ” evdə çox güclü təsir bağışlayır. Ümumiyyətlə, səfər oyununa hazırlıqlarınız necə gedir, əhval-ruhiyyə hansı səviyyədədir?

Məşqlər çox yüksək səviyyədə keçir. Komanda daxilində əhval-ruhiyyə yüksək səviyyədədir. Çünki neçə turdu ki, komanda yaxşı oyun sərgiləyir. Və məğlub olmayıb. Bir də ki, real qol vəziyyətlərini yaxşı dəyərləndirsəydik, nəticələr daha yaxşı olardı. İnanın ki, bu üzdən çox xallar itirmişik. Bir şeyi bilirəm ki, əlimizə düşən fürsətlərdən maksimum yararlanmağı bacarmalıyıq.

“Qəbələ” səfəri öncəsi oyunla bağlı fikirlərin?

“Qəbələ”nin çox yaxşı komanda olduğunu bilirik. Onlar özlərini bu mövsüm daha yaxşı sübut ediblər. Lkain biz səfərə zəfər dalınca gedirik. Bunu həyata keçirəcəyimizə inam da, var. Komanda da, bir canlanma var. Düzdü, çox çətin oyun olacaq. “Qəbələ” iki oyundur məğlub olur. Bizimlə oyunda 3 xal qazanmaq üçün əllərindən gələni edəcəklər. Lkain biz də sonacan döyüşəcəyik.

Onu da nəzərə alaq ki, “Qəbələ” iki oyundur ki, məğlub olur. Bundan başqa rəqibiniz iki oyuna qapısından 9 top buraxıb. Belə deyək ki, müdafiələrində problemlər olduğunu söyləmək olar. Belə olan halda komandanız səfərdə qollar vura bilər anlamına gəlir. Sənin də “Şamaxı”nın bir qol maşını kimi qol vuracağını gözləmək olarmı?

İlk öncə, əlimizdən gələni etməliyik ki, komandamız səfərdə nəticə qazansın. Mən də, hər bir komanda üzvümz dərk edir ki, meydana çıxıb sonacan vuruşmalıdır. Mən də, əlimdən gələni edəcəm ki, “Qəbələ”nin qapısına qol və ya, qollar vurum. Əlbəttə ki, rəqib komandanın neçə turdu uduzması, qapısında 9 qol görməsi, bizim üçün üstünlükdür. Ümumiyyətlə, bütün rəqiblər bizim üçün güclü rəqibdir.



Bilirsən ki, növbəti ev oyunlarınızı Şamaxıda keçirəcəksiniz. Bu amilin isə sizin üçün əlavə üstünlük olduğunu söyləmək olar. Çünki yerli camaət sizə azarkeşlik edəcək. Bu amil sizə əlavə ruh yüksəkliyi verəcəkmi?

Biz növbəti oyunda “Neftçi”ni yeni stadionumuz və yeni məkanımız Şamaxıda qəbul edəcəyik. Bildiyimizə görə, gözəl bir açlış gözlənilir. Əslində bizim üçün çox yaxşı olacaq. Bilirsiniz ki, yerli azarkeşlərin çoxluq təşkil etməsi, bizə dəstəyi, komandamıza əlavə güc verəcək. Böyük kütlə, çoxlu azarkeşlər önündə oynamaq çox xoş olacaq.


Səfərdə heç –heçə sizin üçün uğur sayıla bilərmi?

Hazırda turnir cədvəlindəki mövqelər elədir ki, əlbəttə uğurlu nəticə olar. Özü də “Qəbələ” kimi güclü rəqiblə səfərdə qazanılan heç –heçə yaxşı nəticə olar. Lakin biz səfərə sırf bir xal üçün getmirik. Məqsədimiz maksimum nəticə qazanmaqdır.

Əli HƏYATİ