"Sumqayıt" klubunun futbolçusu Süleyman Əhmədovun Futbolmedia.Az saytına müsahibəsi.

Premyer Liqanın 17-ci turunda evdə “Qəbələ” komandası ilə çətin oyununuz var. Hazırda durumunuz, əhval -ruhiyyəniz necədir. Ümumiyyətlə, matç haqda nə deyərdin?

Komanda şəklində matça hazırlıq gedir. Hazırda ab-hava komanda daxilində yüksəkdir. Qarşıdakı oyunda çətin rəqiblə üz-üzə olduğumuzu bilirik. Lakin əlimizdən gələni edəcəyik ki, oyundan yaxşı nəticə ilə ayrılaq.

Rəqibin hansı mövqeyini komandanız üçün daha təhlükəli hesab edirsən?

“Qəbələ” komandasının daha təhlükəli mövqeyi yarımmüdafiə və hücum xəttidir. Doğurdan da, istənilən rəqib üçün çox təhlükəlidir. Hər an istənilən rəqibin qapısına yol tapmağı bacaran heyətə malik komandadır. Hücumlara çox sürətli çıxırlar. Çalışacağıq ki, bunların qarşısını vaxtında alaq. Və meydanı yaxşı nəticə ilə tərk edək. Maksimum nəticə üçün meydanda döyüşəcəyik.

Süleyman daha çox ehtiyyat skamiyada oturursan. Necə düşünürsən, baş məşqçi Aleksey Baqa sənə ehtimad göstərəcəkmi. Əsas heyətdə oynamağa hazırsanmı?

Baş məşqçimiz Aleksey Baqa çox təcrübəli məşqçidir. Yəni qazandığı nəticələrdən xəbərimiz var. Baş məşqçi olaraq onun da, fikirlərini, taktiki tapşırıqlarını görürük. İnanıram ki. baş məşçimiz mənə də, əsas heyətdə özümü doğrultmaq üçün şans verəcək. Çox istərdim ki, əsas heyətdə oynayıb, komandamın qələbə qazanmasında yardımçı olum. Məşqlərimi çox məhsuliyyətlə edirəm. İstənilən oyuna tam hazıram. İstənilən halda baş məşqçinin qərarlarına çox hörmətlə yanaşıram.

Sən bir neçə yaş üzrə milli komandamzın üzvü olmusan. Hazırda 22 yaşın var. Azərbaycan futbolunun, millimizin palaq gələcəyi yetişən gənc futbolçular nəsli olacaq. Belə deyək futbolumuza milliləşdirilən legionerlər deyil, yerli futbolçular qalır. Bunun üçün əsas heyətdə oynamağın vacibdir. Əsas milli komanda oynamaq şanslarını necə görürsən?

Mən bu yaşa qədər müxtəlif yaş qruplarında milli forma geyinmişəm. Hazırda 22 yaşım olduğu üçün bu yaş qruplarında oynaya bilmərəm. Lakin əsasmilli komandaya dəvət ala bilərəm. Lakin bunun üçün mütləq əsas heyətdə tez-tez yer almaq lazımdır. İstənilən futbolçunun ən böyük arzusu əsas milli komandanın şərəfini qorumaqdır. Əlimdən gələni edəcəm ki, milli komandaya da, dəvət alım. İnşəallah istəyimə nail olaram. Buna görə də, klubumda özümü yaxşı tərəfdən göstərməyi bacarmalıyam.

Əli HƏYATİ