"Turan Tovuz"un yeni transferi Tərlan Quliyevin Futbolmedia.Az saytına müsahibəsi.

Tərlan Premyer Liqanın yeni mövsümü start verdi. Yeni klubunda evdə “Qəbələ”ni qəbul etdiniz. Çətin keçən görüşdə məğlub oldunuz. Bir təcrübəli futbolçu kimi fikirlərini öyrənmək istərdim?

Mən heç zaman Tavuzda futbol oynamamışdım. Əvvəlki klublarımda belə Tovuzdakı oyunlarda iştirak etməmişdim. İlk dəfə idi ki, burada oynayırdım. Bu bölgənin futbolu necə sevdiklərini eşitmişdim. Möhtəşəm azarkeş dəstəyi gördüm. Biri var azarkeş, biridə var ki, futbolu anlayan, bilən, peşəkar azarkeşlərdi. Bu azarkeşlər futbolu anlayırlar. Bir sözlə, möhtəşəm azarkeşlərdi. Unutmaq lazım deyil ki, “Turan Tovuz” neçə illərdən sonra Premyer Liqaya vəsiqə qazandı. Yeni komandadır. Oyuna gəlincə isə çox çətin qaşılaşma oldu. İlk dəqiqələrdə futbolçumuz göstərilən qırmızı vərəqə, azlıqda 70 dəqiqə mübarizə aparmağımız nəticəyə təsirsiz ötüşmədi. Rəqibin ön xəttə olan futbolçuları güclü legionerlərdi. Həmçinin, “Qəbələ”nin illərdi oturuşmuş heyəti var. Futbolçular bir – birlərini daha yaxşı tanıyırlar. Belə komandalarla oyunlar çətin keçir.

Sözlərindən belə çıxır ki, oyununuzun qırılma nöqtəsi, məğlubiyyətinizin səbəbi hakimin sizə göstərdiyi qırmızı vərəqə oldu. Yəni azlıqda qalmağınız birbaşa məğlubiyyətə səbəb oldu?

Mən futbolçu karyeram ərzində dünən bildim ki, belə penalti təyin edirlər. Belə epizoda penalti verildiyini bilməzdim. Baxın top ayaqdan və ya, bədənə təmasdan sonra gəlib ələ dəyirsə, buna penalti verilmir. Hatta VAR-da belə penaltini verməyə tərəddüd etdilər. Həmin epizoddan 2-3 dəqiqə keçdikdən sonra penalti verirlər. Belə olmamalıdır. Hatta VAR sistemində əyləşən heyət belə baş hakimi çağırdılar ki, gəl özün bax qərar ver. Yəni onlar da, dəqiq penalti olduğuna əmin deyildilər. Yəni əllinin -əliyyə penalti qərarı idi. Tam əminliklə penalti vermək olmazdı. Şəxsən mən hakim olsaydım 11 metirlik nöqtəni göstərməzdim.

Meydanda azlıqda qaldıqdan sonra güc daha çox müdafiənin üərində düşdü. Həmin oyunda ən yaxşılardan biri sən idin. “Qəbələ” kimi güclü komandaya qarşı azlıqda oynadınız. Sən necə düşünürsən?

Bilirsiniz ki, oyun 100-cü dəqiqədə başa çatdı. Əlbəttə ki, hakimin əlavə dəqiqələri ilə birlikdə. Qırmızı vərəqədən sonra demək olar ki, 70 dəqiqə azlıqda oynadıq. Bütün güc müdafiəçilərin üzərinə düşdü. Bundan başqa komanda şəklində müdafiə olunurduq. Mən oyunu başdan ayağa sonradan izlədim. Özüm – özümə də, necə lazımdırsa analiz etmişəm. Qapımıza təyin edilən 11 metirlik zərbəyəcən və ondan sonra 67 dəqiqə ərzində “Qəbələ”nin heç bir qol epizodu olmadı. Oyun ərzində mənim də, real qol epizodum oldu. Çox təəssüflər olsun ki, biraz dəqiqlik çatmadı.

Necə düşünürsən, “Turan Tovuz”dan irəlilərdəki oyunlarda qələbələr, yaxşı nəticələr gözləməyə dəyərmi. Yəni başa düşürük yeni heyətiniz , komandanız var?

Gəlin açıq danışaq ki, yeni komandalardan birdən –birə böyük qələbələr, uğurlar gözləməyə dəyməz. Lakin “Turan Tovuz” hələ irəlidə çoxlu qalibiyyətlər əldə edəcək. Hələ bir çox güclü rəqiblərimizə baş ağrısı olacağıq. Lakin bunu da, unutmaq olmaz ki, komandamızın heyəti yeni qurulub. Demək olar ki, komanda sıfırdan yığılıb. Hələ ilk rəsmi oyunumuz idi. Heyətimizdə kifayyət qədər gənc futbolçular var. Bundan başqa, komandanın futbolçularının bir – birinə öyrəşməsi üçün, xətlər arası əlaqələrin bərpası üçün zamana ehtiyyac var. İnanıram ki, növbəti oyunlarda azarkeşlərimizi sevindirəcəyik.

Növbəti turda “Səbail”lə qarşılaşacaqsınız. Bu oyunda hansı nəticəyə üümüd edirsən?

Demək olar ki, “Səbail”də də, köklü dəyişiklər oldu. Baş məşqçidən tutmuş, futbolçulara qədər. Onların “Qarabağ”la oyunlarını izlədim. Döyüşkən bir komanda təsüratı yaratdı. Heyətlərində yaxşı legionerləri də, var. “Qarabağ”a qarşı bu istəkllə oynayan komanda ilə mübarizə əlbəttə ki, asan olmayacaq. Lakin bizim də, meydana qalibiyyət üçün çıxmaqdan başqa şansımız yoxdur. İnamıram ki,meydandan yaxşı nəticə ilə ayrılacağıq.

Əli HƏYATİ