Tərlan artıq Kubok və premyer liqa oyunlarının başlamasına çox az qalıb. Demək olarmı ki, komanda məşqlərini tamamlayır. Yəni hazırlığın əsas hissəsi geridə qalıb?

Məşqlər normal öz qaydasında gedir. Lakin hələ tam hazır olub-olmadığımızı indidən deyə bilmərəm. Bilirsiniz ki, komandamız xarici ölkələrin birində yüksək səviyyədə təlim-məşq toplanışı keçə bilmədi. Daha güclü rəqiblərlə yoxlama oyunu oynaya bilmədik. Bütün bunlar müəyyən şeylərə təsirsiz ötüşmür. Bundan başqa bi çox futbolçular, legionerlər komandaya gec qoşuldu. Lakin çalışırıq və əlimizdən gələni edirik ki, oyunlar başlayana kimi tam hazır olaq.

Qarşıda “Qarabağ”la çox çətin və vacib kubok oyunu gəlir. Komandanın təcrübəli futbolçusu kimi bu oyunla bağlı nələr düşünürsən?

“Qarabağ”la oyunda rəib haqqında heçnə düşünmürük. Yəni rəqibə və onun gücünə çox yaxşı bələdik. Bizim durumumuz və problemlərimiz isə göz qabağındadır. Lakin komanda olaraq biz meydanda xarakter və əzimkarlıq nümaiş etdirməliyik. Bütün komanda meydanda var gücünü ortaya qoysa, nə isə etmək olar. Ancaq “Qarabağ”ın heyətini, gücünü yaddan çıxarmaq olmaz. Onların oyun üslubu göz qabağındadır.

Tərln necə düşünürsən, “Qarabağ”ı məğlub etməyin yolu nədən keçir. Yəni bunu hansı üsulla, taktika ilə etmək olar. Yəni oyun boyu müdafiədə oturmaqmı, daima pressinq etmək və sair?

“Qarabağ”la oyunda pressinq etsək və ya, hücum futboluna üstünlük versək, böyük hesabla məğlub ola bilərik. Gəlin real danışaq. Hazırki heyətimiz bir il, iki il bundan qabaqkı heyətimiz deyil. Yəni çox zəifləmiş heyətimiz var. Bir çox futbolçularımız artıq komandanı tərk edib. Yerini isə lazımı səviyyədə doldura bilməmişik. Çünki qış mövsümündə yaxşı futbolçu tapmaq çətindir. “Qarabağ”la oyunlarımız çox olub. Bir neçəsində hətta uğurlu nəticə olub. Elə keçən il (1:1) olan oyunda verdiyim qol ötürməsiylə məğlubiyyətdən qurtulmağı bacardıq. Sadəcə, oynamaq lazımdır.

Yəni sözlərindən belə başa düşdüm ki, ölkə kubokunda da, “Qarabağ”la oyunda uğurlarınızı təkrarlaya biləcəyinizə ümüdlüsünüz. Belə deyək, yaxşı nəticə qazanacağınıza ümüdlüsünüz?

Düzünü deyim ki, meydanda mübarizə aparacağıq. Lakin gəlin səmimi danışaq ki, hazırda “Qarabağ”la gücümüzün səviyyəsində çox fərq var. Lakin meydana çıxıb, xarakter nümaiş etdirməliyik. Başqa yolumuz yoxdur. Əlimizdən gələni edəcəyik ki, sərfəli nəticə əldə edək. Lakin birdə təkrar edirəm ki, hazırda heyətimiz çox zəifdir.

Necə düşünürsən, premyer-liqa oyunlarının başlamasına qədər komandanız formaya düşəbiləcəkmi?

Yaxşı və istənilən səviyyədə təlim-məşq keçə bilmədik. Güclü və əcnəbi klublarla yoxlama oyunlaraçıxa bilmədik. Keçən ildə belə oldu. Məhz buna görə çempionatın əvvəlində 3-4 tur qalib gələ bilmədik. Yəni məğlubiyyətlərimiz oldu. Ancaq sonradan komanda özünə gəlməyi bacard. Belə deyək ki, tam hazır ola bilməsək də, 3 turdan sonra qaydasına düşə bilər.

Əli HƏYATİ