"Keşlə" klubunun futbolçusu Bahadur Həziyevin Futbolmedia.Az saytına müsahibəsi.

Bahadur artıq premyer –liqada fasilə başa çatdı. İlk oyunda “Zirə” ilə qarşılaşdınız. Bu oyunda minimal hesabla məğlub olsanız da, bir xalla ayrılmaq şansınız da oldu. Matçla bağlı fikirlərin?

Çox maraqlı və gərgin bir oyun oldu. Çox mübarizə aparsaq da, məğlubiyyətdən qurtula bilmədik. Hətta qarşılaşmanın ilk əvvəllərində futbolçumuza qırmızı vərəqə göstərildi. Bu oyunda azlıqda mübarizə apardıq. Bilirsiniz ki, belə rəqiblərə qarşı oynamaq çox çətin olur. Hələ azlıqda bu çox ağır olur. Lakin bütün bunlara baxmayaraq oyundan bir xalla ayrılmaq üçün şansımız vardı. Sadəcə, istədiyimiz alınmadı.

Düşünürsən ki, azlıqda qalmağınız bu oyundan xalsız ayrılmağınıza əsas səbəb oldu?

Əlbəttə ki, bizdə belə olacağını gözləmirdik. “Zirə” kimi komandalara qaşı azlıqda oynamaq çox risklidir. Mən deyədim ki. real qol vəziyyətlərini dəyərləndirə bilsəydik, ən azı bir xalla oyundan ayrıla bilərdik. Azlıqda rəqibə qol vurmaq çox çətin olur. On nəfərlə oynayan zaman gəərək iki qol vurasan ki, irəli keçə biləsən. Bu isə çox çətin məsələdir.

Qarşıda “Qarabağ” kimi güclü komanda ilə təkrar kubok oyununa çıxacaqsınız. İlk oyunda minimal hesabla uduzmuşdunuz. Səncə, mərhələni keçən tərəf ola bilərsiniz. Bu şanslarınızı necə dəyərləndirirsən?

Rəqibin gücü hər kəsə məlumdur. Lakin bütün bunlara baxmayaraq sona qədər vuruşacayıq. Çünki başqa çıxış yolumuz yoxdur. Çoxları düşünür ki, mərhələni “Qarabağ” çox asan adlayacaq. Biz belə düşnmürük. Meydanın hər qarışı uğrunda mübarizə aparmalıyıq. Bir top fərq elə də, böyük deyil. İlk qolu biz vura bilsək, ümüdümüz artar. Çox çətin bir oyun olacaq. “Neftçi” ilə qarşılaşmada “Qarabağ”ın oyununu gördük. Əlimizdən gələni etməliyik. Biz bu rəqiblə çempionat oyununda xal almağı bacarmışıq. İnanırm ki,kubok oyununda da, İnşəallah sevinən tərəf biz olarıq.

Necə düşünürsən, oyun penaltilər seriyasına qədər gedib çıxa bilərmi?

Belə kubok oyununda hər şey ola bilər. Lakin biz çalışacağıq ki, 15-20 dəqiqə ərzində qol vuraq. Çünki rəqib komanda topla oynamağı sevir. Hesab onları qane etdiyi üçün vaxt aparmağa çalışacaqlar. Onalrın fərdi keyfiyyətləri yüksək olan yaxşı futbolçuları var. Buna görə, çox diqqətli olmalıyıq.

“Qarabağ”la ilk oyunda meydana çıxmaq şansın oldu. Səncə, bu dəfə də, bu şansı qazanacaqsan?

Baş məşqiçi mənim oyun üslubuma bələddir. Baş məşqçi istedadlı gənc futbolçulara hər zaman dəstək olur. Əgər baş məşqçi məsləhət biləcəksə, meydana buraxacaq. Mən öz üzərimdə çalışıram. Bu oyuna da hazıram.

Əli HƏYATİ