"Turan Tovuz"un futbolçusu Tərlan Quliyevin Futbolmedia.Az saytına müsahibəsi.

Tərlan artıq “Turan Tovuz” klubunun futboolçususan. Fasilədə komanda ilə birlikdə həm Azərbaycanda, həm də ki, Gürcüstanda təlim- məşq toplanışı keçirdiniz. Bunu dəyərləndirməyini istərdim?

İlk olaraq, onu deyim ki, həm ölkə daxilində, həm də ki, ölkə xaricində təlim-məşq toplanışımız çox gözəl keçdi. Sizə deyim ki,mən “Şamaxı”da oynayarkən neçə illər idi ki, ölkə xaricində təlim –məşq toplanışı keçmirdim. Bu amil bir futbolçu olarq bizim üçün də, çətinlik yaradırdı. Lakin “Turan Tovuz”un heyətində bu tilsimi qırdıq. Mən təlim –məşq toplanışından və keçirdiyimiz oyunlardan razı qaldım. Hazırlığımızı nəzərdə tuturm. Çox yaxşı və maraqlı keçdi.

Ölkə xaricində keçirdiyiniz yoxlama oyunlarından nə deyərdin?

İLk oyunumuz Gürcüstanın ən güclülərindən olan “Tiblisi “Dinamo”su ilə oynadıq. Özünüz də blirsiniz ki, bu klub Gürcüstanın brend komandasıdır. Oyunun ağır keçəcəyini yaxşı bilirdik. Çünki bizdə ağır təlim –məşqlərdən çıxmışdıq. Lakin bütün bunlara baxmayaraq uşaqlar sona qədər mübarizə apardı. Düşünürəm ki, oyun gözlədiyimizdən də, yaxşı alındı. Bu mənim şəxsi fikrimdi. İkinci yarıda çoxlu sayda normal olaraq dəyişikliklər oldu.

Təlim –məşq toplanışının bəhrəsini yəqin ki, çempionat ərzində görəcəksiniz?

Əlbəttə ki, çox yaxşı tərəfləri olacaq. Lakin deməzdim ki, komanda yüz faiz hazır olur. Heç bir komanda uzun fasilədən sonra optimal formada olmur. Yalnız bir neçə oyunlardan sonra komanda yavaş-yavaş oturuşmuş heytə çevrilir. Bizim də, yeni transferləimiz çox oldu. Komandamız da, uzun illərdi Premyer Liqada oynamırdı. Bütün bu amilləri nəzərə almaq lazımdır. Futbolçuların bir –birinə öyrəşməsi üçün zamana ehtiyyac olur. Əsas məsələ odur ki, komandada ab-hava əladır. Oyunlarımız zamnı da, komanda maksimum şəkildə baş məşqçi Ayxan Abbasovun tapşırqlarını yerinə yetirməyə çalışırdı.

Yeni mövsümdə Premyer Liqanın ilk qarşılaşması evdə “Qəbələ” ilə oynayacaqsınız. Bu oyunla bağlı bir təcrübəli futbolçun kimi nə deyərdin. Gözləntin nədir?

Bilirsiniz ki, “Qəbələ” təlim –məşq toplanışına bizdən əvvəl başladı. Məlum səbəblərə görə. Çünki komanda Konfrans Liqasında mübarizəyə qoşulurdu. Hətta iki rəsmi oyun da, oynadılar. Ola bilsin ki, bu səbəbdən “Qbələ” bizdən daha hazırlıqlı olsun. Bundan başqa oturuşmuş heyəti var. Əsas heyətlərini demək olar ki, qoruyub – saxlmağı bacardılar. Bundan başqa bir neçə legioner də, transfer etdilər. Gərgin bir oyun keçəcəyi məlumdur.Lakin bütün bunlara baxmayaraq doğma meydanda meydana qələbə üçün çıxacağıq. Doöma meydanda, azarkeşlərimizdən güc alacağıq. Buna görə, meydanda sonacan mübarizə aparmalıyıq. İnanıram ki, oyunun sonunda sevinən tərəf biz olacağıq.

Əli HƏYATİ