"Keşlə" klubunun futbolçusu Tərlan Quliyevin Futbolmedia.Az saytına müsahibəsi.

Tərlan Premyer Liqanın 16-cı turunda son ölkə çempionu “Neftçi” ilə oynadınız. Maraqlı, bol qollu bir matç olsa da, məğlub oldunuz. Baxmayaraq ki, ilk hissədə çox yaxşı təsir bağışlamışdınız. Bəs sən necə düşünürsən?

Bəlkə də, bu qarşıaşma eləoyunlardan oldu ki, uduzmağımıza hefvslənmirəm. Çünki komandamız sona qədər döyüşdü. Çox yaxşı təsir bağışladı. Belə götürən də, oyuna görə uduzmadıq. Bizim də, kifayyət qədər real qol vəziyyətlərimiz oldu. Sadəcə, onlardan istifadə edə bilmədik. Bəxtsizlikmi deyim, uursuzluqmu deyim bilmirəm.

Ola bilərmi ki, ilk qolu siz vursaydınız, real qol vəziyyətlərindən istifadə etməyi bacarsaydınız, nəticə belə olmayacaqdı. Yəni məğlub olmazdınız?

İlk növbədə, bəxtimiz gətirmədi. Bundan başqa yeni transfer Oduva əlinə düşən imkandan maksimum yararlana bilmədi. Onuda başa düşmək olar. Çünki, uzun müddətdir ki, oyun praktikası olmayıb. Lakin oyununa baxdıqda görürsən ki, səviyyəli futbolçudur. Meydanda sonacan mübarizə aprdı.

Səncə, hakimlər “Keşlə”yə qarşı niyə belə ədalətsizlik edirlər. Demək olar ki, hər oyunda təmiz penaltinizi vermirlər?

Oyundan sonra hakimə yaxınlaşıb etirazımı bildirdim. Dedim ki, təmiz penaltimiz verilmədi. Hakim mənə təkrar baxarsan dedi. Məndə oyundan sonra dönə -dönə təkrara baxdım. Təmiz penaltimiz verilmədi. Söhbət ilk hissədəki penalti epizodumuzdan gedir. Məndə başa düşə bilmirəm ki, bu nə məsələdir. Niyə bizim təmiz penaltilərimiz verilmir. Bütün bunlar nəticəyə birbaşa təsir edir.

Buraxdığınız qollar haqda nə deyərdin. Belə götürəndə, rəqib komanda bu qolları vurmaq üçün xüsusi bir şey etmədi. Yəni çox adi qolar oldu?

Həqiqətən də, çox adi, mənasız qollar buraxdıq. Yəni müdafiədə böyük bir səhv yox idi. Adi vəziyyətdə qapımıza qollar girdi. Yəni çaşqınlıq, adi bir anlaşılmamazlıq qollara səbəb oldu. Əlbəttə ki, rəqib komandanın gücü, oyun zamanı bizə təzyiqi güclü idi. Elə- belə komanda deyil. Ancaq deyim ki, “Qarabağ”la oyunda çəkdiyimiz əziyyəti, “Neftçi” ilə qarşılaşmada çəkmədik. Sadəcə, adi oyun epizodlarında çaşqınlıq, anlaşılmamazlıqdan qollar gördük. Buraxdığımız qollara baxdım. Deyim ki, heçnədən qollar buraxdıq. Ani diqqətsizlik, ani anlaşılmamazlıq qollara səbəb oldu. Mütləq bunun üzərində çalışmalıyıq ki, növbəti oyunlarda belə diqqtsizliklər etməyək.

HƏYATİ Əli