"Səbail" komandasının baş məşqçisi Mahmud Qurbanovun Futbolmedia.Az saytına müsahibəsi.

Mahmud müəllim bildiyimiz kimi yay təlim-məşq toplanışınız Gürüstanda keçirildi. Komanda ölkə xaricində bir neçə yoldaşlıq oyunu keçirdi. “Səbail”in baş məşqçisi olaraq bununla bağlı fikirlərinizi bilmək istərdim?

Bəli. Gürcüstanda təlim-məşq toplanışı oldu. Xüsusən də, ölkə xaricində bir neçə klublarla yoldaşlıq görüşləri keçirməyə getmişdik. Üç yoldaşlıq görüşü keçirməyi planlaşdırmışdıq. Elə hər şey planlaşdırdığımız kimi də, oldu. Əslində, bir həftə ərzində 3 oyun oynadıq. Oynadığımız üç klubun hamısı Gürcüstanın yüksək liqa komandalarından idi. İlk oyunda “Dinamo Tiflis”ə məğlub olduq. Digər iki oyunda “Qaqra”nı məğlub etdik. “Dila” klubu ilə heç – heçə etdik. Yaxşı yoldaşlıq oyunları keçirdik. Şəraitimiz də, çox yaxşı idi. Əsas məqsədlərimizdən biri də, futbolçuları yoxlamaq idi. “Səbail”də mən və bir çox futbolçular yenidir. Demək olar ki, heyətin hamısı yenidən qurulub. Futbolçular yenidir. Həmçinin bura legionerləri də, daxil etmək olar. Bir sözlə, yenidən yığılmış bir komandadır. Sonuncu yoldaşlıq görüşdən çox razı qaldım. Düzdü, “Qaqra” ilə oyunda da, komanda yaxşı təsir bağışlamışdı. Bu iki oyundan baş məşqçi olaraq çox razı qaldım. Uşaqlar meydanda əllərindən gələi etdilər. Uşaqların durumundan razı qaldım.

“Qaqra”nı məğlub etdikdən sonra mətbuatda Gürcüstan klubu 2-ci liqa klubu kimi təqdim edilmişdi. Lakin sonradan araşdırdıq ki, yüksək liqa təmsilçisidir. Hətta keçən il Konfran Liqasında belə mübarizə aparıb?

Düzünü deyim ki, mən də təəccübləndim. Çünki “Qaqra” Gürcüstan yüksək liqa təmsilçisdir. Həmçinin, keçən il Konfrans Liqasında oynayıblar. Yəni kifayyət qədər güclü komandadır. Bilirsiniz, biz təlim – məşq toplanışına yollanmazdan öncə hər şeyi araşdırırıq. Yəni hər şey planlaşdırılmış şəkildə edilir. Buna görə də, bilirdik ki, hansı komandalarla yoxlama oyunu keçirəcəyik. Yəni klublarla bağlı öncədən məlumatlıyıq. Buna görə, çox təəccübləndim. Biz də, qarşımıza məqsəd qoymuşduq ki, ölkə xaricində ancaq yüksək liqa təmsilçiləri ilə yoxlama oyunu oynayacağıq.

Yeni transferlərinizdən nə dərəcədə razı qaldınız. Xüsusən də, legionerlərdən. Düzdü, onların odobtasiyası üçün müəyyən vaxt mütləqdir. Bəs bir baş məşqçi olaraq nə düşünürsünüz?

Açığını deyim ki, legionerlərdən razıyıq. Yeni transferlər özlərini yaxşı tərəfdən göstəriblər. Lakin biz də, bilirik ki, legionerlərin komandaya, Azərbaycan futboluna odoptasiyası üçün müəyyən zaman gərəkdir. Ümumiyyətlə, istər legionerlər, istərsə də, yerli yeni futbolçulara komandaya öyrəşməsi üçün vaxt lazımdır. Uyğunlaşmaq üçün mütləq zamana ehtiyyac var. Ümumi götürəndə, futbolçularımdan razıyam. Hələ ki, onlara heç bir iradım yoxdur. Görək çempionatda necə olacaq. Lakin deməzdim ki, komanda, futbolçular tam hazırdır. Ümumiyyətlə, bütün komandalar çempionata qədər tam hazır ola bilmir. Uzun fasilə, futbolsuzluq, öz sözünü deyir.

Mahmud müəllim məncə Azərbaycan Premyer Liqasında bir neçə turdan sonra çox şeyə aydınlıq gələcək. Yəni komandaların hazırlıq səviyyəsi bilinəcək. Mənimlə razısınızmı?

Bəli. Çox düzgün vurğuladınız. Bir neçə turlardan sonra komandanın və futbolçuların hazırlıq səviyyəsi üzə çıxacaq. Bundan başqa, komanda bir neçə turdan sonra oturuşa bilər. Yəni futbolçuların bir – birlrinə öyrəşməsindən çox şey aslıdr.

Bir neçə gündən sonra Azərbaycan Premyer Liqasında yeni mövsümə start verilir. İlk turdakı rəqibiniz ölkənin ən güclüsü “Qarabağ”la üz –üzə gələcəksiniz. Bundan başqa “Qarabağ”ın artıq illərdi Avrokuboklardakı uğuru da, onların nə dərəcədə güclü olduğunu göstərir. “Lex”i və “Sürix”i keçmələri hazırki durumlarının çox yaxşı olduğunu göstərir. “Qarabağ”la ilk oyununuz haqqında nə deyə bilərdiniz?

Belə deyək ki, Azərbaycanın son çempionuna qarşı oynayacağıq. Bundan başqa Çempionlar Liqasındakı göstərdiyi performansları onların hansısəviyyədə, hansı gücdə olmalarını göstərir.Onların Konfrans Liqasının qrupuna vəsiqə qazanmaları Azərbaycan futbolu üçün çox önəmlidir. Bu siyahıya “Neftçi”ni də, əlavə etmək olar. Hər iki təmsilçimiz uğurlu çıxışlar edir. Bizimlə oyuna gəlincə isə oyunun fovariti “Qarabağ”dır. Lkain biz də, əllərimizi aşağı sallayıb meydana çıxmayacağıq. Meydanda sona qədər mübarizə aparacağıq. Çalışacağıq ki, “Səbail” üçün yaxşı nəticə ilə oyundan ayrılaq.

“Qarabağ” kimi güclü rəqiblə oyunda bir xal belə qələbəyə bərabərdir. Bəs siz necə düşünürsünüz?

“Qarabağ” kimi güclü rəqiblərə oyunlar çox çətin keçir. Onların da, öz oyun üslubları var. Çox güclü heyətləri, legionerləri var. Hətta ikinci heyyətləri belə çox yüksək səviyyəli futbolçulardan ibarətdir. İndidən demək olar ki, çətin oyun olacaq.

Əli HƏYATİ