"Keşlə" klubunun futbolçusu Tərlan Quliyevin Futbolmedia.Az saytına müsahibəsi.

Tərlan Premyer Liqanın 13-cü turunda evdə “Səbail”i qəbul etdiniz. Demək olar ki, bu oyunda hər şey oldu. Penalti, qırmızı, sarı vərəqələr və qollar. Ümumiyyətlə, oyun haqda fikirlərin?

Bilirdik ki, oyun çox ağır keçəcək. Elə gözlədiyimiz kimi oldu. Ancaq mən deyərdim ki, biz meydana daha çox istəkli çıxmışdıq. İlk hissənin sonu,ikinci yarının başlanğıcında vurduğumuz qollar rəqibi şoka salmışdı. Yəni oyunun. Oyunun gedişatını tam ələ almağı bacarmışdıq. Rəqib komandanın 55-ci dəqiqəyə kimi bir real qol vəziyyəti olmamışdı. Sadəcə Abanqın qırmızı vərəqə almasından sonra oyun dəyişdi. Düzdü, Abanq həmin oyunda qollardan birini vurdu. Lakin həmin epizod zamanı belə etməməliyidi. Yəni həmin anda son ümüd folu deyildi ki, bu hərəkəti etsin. Yəni qapımız qarşısında heç bir təhlükə yox idi. Çünki özüdə bilirdi ki, artıq bir sarı vərəqəsi var. Bundan başqa zədə səbəbindən İlkin və Sadio meydanı tərk etdi. Yəni istər-istəməz oyunda biraz düşüş yaranmışdl.

Qırmızı vərəqədən başqa bəxtinizin də, gətirmədiyini söyləmək olarmı?

Bəli. Bəxtimizə gəlincə isə bizimki heç gətirmir. Hətta qırmızı vərəqədən sonra belə real qol imkanlarımız oldu. Rafael Məhərrəmli belə təkbə-tək epizodu boşa vermişdi. Ümumiyyətlə, keçən ildə bu kimi hallar başımıza gəlmişdi. Heç-heçə oynadığımız oyunlarda da, üstün tərəfbiz olmuşduq. əlində “Səbail2lə oyunun ədalətli nəticəsi (2:1) olmalı idi. Biz qələbəni haqq etmişdik.

Növbəti oyunda “Sumqayıt”la oynayacaqsınız. Bu oyun bağlı üç xal şanslarınızı necə dəyərləndirirsən?

Çempionatın əvvəlində onlara minimal hesabla məğlub olmuşduq. Lakin oyun boyu üstün tərəf biz olmuşduq. Qol 80-ci dəqiqədən sonra qapımıza vurulmuşdu. “Sumqayıt”ın baş məşqçisi Ayhan Abbasovdursa, bu komanda istənilən rəqibə qarşı yaxşı oyun sərgiləyə bilər. Bundan başqa heyətlərində yaxşı yerli futbolçular top qovur. Mübariz kefiyyətləri olan komandadır. Ancaq onlarda da, bir düşüş yaşanır. İnanıram ki. Onlaın hazırki durumundan biz maksimum istifadə edib qələbə qazanacağıq.

Tərlan turnir cədvəlinə baxdıqda söyləmək olar ki. Hər şey öz əlinizdədir. Yəni “Sumqayt”ı məğlub etsəniz, “Sabah” “Səbail”ə heç-heçə oynasa 6-cı pilləyə qalxa bilərsiniz. Bundan başqa “Sabah”la xal fərqini bərabərləşdirə bilərsiniz?

Doğru vurğulayırsınız ki, çox şey bizim öz əlimizdədir. “Sumqayıt”ı məğlub etsək, şansımız yüksəlir. “Sabah”da xal itirsə xallarımız bərabərləşər. Yəni 5 -6-cı pillələri bölüşdürə bilərik. Mən bir şey deyə bilərəm ki, “Sumqayıt”la oyunda meydana çıxıb vuruşmaq lazımdır. Sonacan və meydanın hər qarışı uğrunda mübarizə aparmalıyıq. Bir qələbə bizim üçün çox şey həll edə bilər. Turnir cədvəlində mövqeyimiz ən azı biraz yaxşılaşar.Xal ehtiyyatımızı artıra bilərik.


Əli HƏYATİ