"Səbail" klubunun baş məşqçisi Aftandil Hacıyevin Futbolmedia.Az saytına müsahibəsi.

Aftandil müəllim ilk olaraq, “Sabah”la qarşılaşma haqda danışmaq istərdim. Meydanda sonacan döyüşsəniz də, sonda məğlub oldunuz. Ümumiyyətlə, məğlubiyyətin səbəbini bir baş məşqçi kimi nədə görürsünüz?

İlk hissədə buraxdığımız qollar matçın taleyini həll etdi. İlk hissədə rəqib komanda daha çox presinq edirdi. Daha çox istəkli oynadılar. Lakain ikinci yarıda komandam daha ürəkli oynama başladı. Bir neçə real qol epizodlarımız oldu. İstənilən halda komandaların heyətindəki futbolçular müqayisə olunacaq deyil. Rəqib komandanın heyətindəki futbolçular, legionerlər hər şeyi izah edir. “Sabah” komandasının avrokuboklara vəsiqə qazanmaq istəyi də, oyuna və nəticəyə böyük təsir göstərdi. Belə götürəndə öz futbolçularıma heç bir iradım yoxdur. Onlar da, hər oyun qələbə qazanmaq istəyirlər.

Növbəti tur daha güclü komanda olan, artıq çempionluğunu rəsmləşdirən “Qarabağ”a qarşı olacaq. Bu komandaya siz daha yaxşı bələdsiniz. Uzun illər bu komandanın formasını geyinmisiniz. Bu oyun haqda nə düşünürsünüz?

“Qarabağ” artıq turlar öncədən çempionluğunu rəsimləşdirib. Lakin heyəti çox geniş olan bir komandadır. Artıq oturuşmuş bir komandadır. Bu mövsüm onların yeganə məğlub olduğu komanda “Səbail”dir. Lakin hazırki durumumuz o deyil. Həmin vaxtdan çox keçib. Və heyətdə müəyyən dəyişikliklər, itkilər olub. Hər oyunda meydana itkilərlə çıxırıq. Onlarla oyuna da, itkilərlə çıxacağıq. İstənilən halda meydana qələbə üçün çıxacağıq. Məqsədimiz həm azarkeşlərimizi sevindirmək, həm də ki, sonuncu pillədən qurtulmaqdır.

“Qarabağ”la oyunda bu mövsüm sensasiya etmisiniz. Yenidən bu sensasiyanı təkrarlamaq olarmı. Bundan başqa bir xalı sizin üçün qələbəyə bərabər xal hesab etmək olarmı?

Əlbəttə ki, hər şey mümkündür. Niyədə olmasın ki? öz meydançamızda qələbə qazanmaq şansımız var. Oyun zamanı çox az səhvlər etsək, yaxşı nəticə qazanmaq da olar. Buna daha çox oyunun gedişatı zamanı demək olar. İndidən çox şey danışmaq düz olmaz. Birdə ki, komandanın motivatsiyası çox şey həll edəcək.

Mövsümün sonu yaxşınlaşır. Gedəcək və qalacaq futbolçuların siyahısı varmı. Yoxsa?

Hal –hazırda bu barədə sözhbətimiz olmayıb. Bilirsiniz, hələ ki, qarşıda bir neçə tur var. Düşünürəm ki, indidən bu haqda nəsə demək doğru olmaz. Lakin müəyyən futbolçular var ki, qalacağı və gedəcəyi indidən bəlli olur. Lakin yenə də, dəqiq bir söz demək olmur.

Aftandil müəllim sizin “Səbail”də qalacağınız gözlənilir. Ümumiyyətlə, rəhbərliklə görüşüb bu barədə söhbətiniz olubmu?

Mənimlə bağlı da, hələ dəqiq bir məlumat yoxdur. Elə mənim də, məsləm mayın sonunda bilinəcək. Bundan sonra rəhbərliklə görüşümüz olacaq. Bax bundan sonra məsləyə aydınlıq gələcək.

Mən bir jurnalist kimi sizin daha güclü komandalarda çalışmaq potensialınızın olduğunu düşünürəm. Yəni belə bir az büddcəli komanda ilə çox şey etmək olmaz. Lakin rəhbərlik büdcəni yüksəldərsə, bir neçə yaxşı transferlər olarsa, sizin komandada qalıb işləməyiniz daha münasib olar. Çünki illərdi Premyer Liqa təcrübəsinə maliksiniz. “Səbail”i də daha yaxşı tanıyırsınız. Bəs siz necə düşnürsünüz?

Hal- hazırda klubun rəhbərliyi də, mənim komandada qalmağımı istəyir. Lakin komanda necə formalaşacaq, mailyə məsləsi kimi suallar var ortada. Rəhbərlik də, indikindən daha yaxşı heyət, daha yaxşı komanda formalaşdırmaq niyyətindədir. Əgər hər şey yaxşı olarsa, niyədə yox.



Ümumiyyətlə, digər klublardan şəxsən siz təklif almısınızmı. Çünki sizin kimi Premyer Liqa təcrübəsi olan, avrokuboklara vəsiqə qazanmış bir məşqçiyə bir çox klubların ehtiyyacı var?

Düzünü desəm, hələ bu barədə düşünməmişəm. Çünki qarşıdakı oyunlara maksimum köklənmişəm. Təkliflərin ola bilməsi də, normal bir haldır. Lakin hələ ki, təklif hazırki komandamdan gəlib. Yəni ilk təklifi “Səbail” edib.


Əli HƏYATİ