"Səbail" klubunun baş məşqçisi Aftandil Hacıyevin Futbolmedia.Az saytına müsahibəsi.

Aftandil müəllim “Səbail” komandasının yavaş-yavaş özünə gəldiyini söyləmək olar. “Qəbələ” üzərində möhtəşəm qələbəni, “Zirə” ilə başa-baş mübarizəni nümunə göstərmək olar. Bəs siz baş məşqçi olaraq necə dşünürsünüz?

Qələbə qazanacağımıza hər oyun inanırıq. Meydana da, qalibiyyət üçün çıxırıq. Mövsümün sonuna yaxşınlaşdıqca oyunlar daha da, ağırlaşır. Hər bir komanda qələbə uğrunda sonacan döyüşür. Düşünürəm ki, futbolçular üç xalın necə dəyərli olduğunu anlayıblar. Buna görə də, oyunlara daha istəkli yanaşıblar. “Qəbələ” ilə matç ən yaxşı ounlarımızdan biri oldu. Çalışırıq ki, belə qələbələrin ardı gəlsin. “Zirə” ilə oyunda da, komanda yaxşı oynadı. Fikrimcə, biz məğlubiyyətə layiq deyildik. Ən azından xalla ayrıla bilərdik. Lakin çox təəsüüflər olsun ki, şanssızlıq yaşadıq.

“Zirə” ilə oyunda qalibiyyət əldə etməyiniz və ya,ən azından meydandan xalla ayrılmağınız üçün nə çatmadı?

Düşünürəm ki, ustalıq səviyyəmiz tam olaraq yetmədi. Ələ düşən real qol imkanlarını vaxtında dəyərləndirə bilmədik. Tağıyev iki dəfə qapıçı ilə üz-üzə qalsa da, fərqlənə bilmədi. Lakin rəqibin heyətində Keyta kimi ustalıq səviyyəsi yüksək olan təcrübəli futbolçular imkanı qaçırmadı. Sonluğu çox dəqiq qoydular. Düşünürəm ki, pis oynamadıq. Hardasa, başa –baş mübarizə adlandırmaq olar.Hətta ikinci yarını daha çox hücumda keçirdik.

Bir neçə futbolçular var ki, mövsüm başlayandan daim əsas heyətdə oynatdığınız, güvəndiyiniz futbolçular hazırda ehtiyyatda qalıb. Bunlardan biri də, Ədilxan Qaraəhmədovdur. Millimizin üzvünün ehtiyyatda qalmasının səbəbi nədir?

Bizim 3-4 nəfər futbolçumuz var ki, çalışırıqhər birinə şans verək. Ədilxan meydanda daha çox olan gənc futbolçumuzdur. Lakin son zamanlar Elmir Tağıyev özünü oyunlarda daha yaxşı tərəfdən göstərir. Əsas heyət üçün şans qazanıb. Ümumiyyətlə, çalışırıq ki, hər birinə yetərincə diqqət ayıraq. Ədilxanın da, biraz dincəlməyə ehtiyacı var. Millidən qayıtdıqdan sonra ağrıları da vardı.Ona görə, belə rotasiyalara əl atırıq.

Mətbuatda gedən məlumatlarda Ədilxanın “Zirə” və “Sabah” klublarının maraqlandığını, transfer ediləcəyi ilə bağlı məlumatlar gedirdi. Bu futbolçunun mövsümün sonu müqaviləsi başa çatır. Bir baş məşqçi olaraq, onu komandada saxlayacaqsınız. Yoxsa, digər klubların təkliflərinə üz tutacaq?

Hal – hazırda heç bir futbolçunun müqaviləsinin davam edəcəyi və ya, xitam veriləcəyi haqda danışmaq tez olar. Hələ mənim özümlə bağlı məsələlər gündəmdə qalmaqda davam edir. Çempionata daha yaxşı köklənməyə çalışırıq. Mövsümün sonunda hər bir futbolçu haqda, onun komandaya nə kimi fayda verəcəyi barəsində müzakirələr olacaq. Ədilxanı başqa klubların istəməsi də, çox normaldır. Çünki əsas heyətdə uzun zaman oynadı. Kimin gedəcəyi ilə rəhbərliklə müzakirə aparacağıq. Birdə ki, getmək istəyən futbolçular harda inkişaf edə biləcəklərini düşünürlərsə, orada gedə bilərlər.



Qarşıda son ölkə çempionu “Neftçi” ilə çətin oyununuz var. Bu oyun haqqında nə düşünürsünüz. Xal qazanmaq şanslarınızı necə dəyərləndirirsiniz?

Son ölkə çempionu “Neftçi”ni öz meydanımızda qəbul edirik. Çalışacağıq ki, sonacan başa – baş mübarizə aparaq. Bilirsiniz ki, “Neftçi” ilə oyunlarımız hər zaman maraqlı keçir. Buna görə üç xal qaznmaq üçün sonacan vuruşacağıq. Çünki xallara çox ehtiyacımız var.

Əli HƏYATİ