"Səbail" klubunun futbolçusu Adil Nağıyevin Futbolmedia.Az saytına müsahibəsi.

Adil Premyer Liqanın 14-cü turunda güclü “Sabah”a məğlub oldunuz. Oyunla bağlı fikirlərin?

Düzünü deyim ki, oyuna yaxşı hazırlaşmışdıq. İstəyirdik ki, fasiləyə qələbə ilə yollanaq.Mən deyərdim ki, öz səhvlərimizdən məğlub olduq. Əlbəttə ki, “Sabah” hazırda yaxşı formadadır. Yəni bizə görə də güclü rəqibdir. Lakin bununla belə onları məğlub etmək gücndəydik. Sadəcə, dediyim kimi oyunumuz alınmadı. Rəqibin böyük üstünlüyü yox idi. Lakin rəqib futbolçuların ustalıq səviyyəsi öz sözünü dedi.

Belə böyükhesablı məğlubiyyəti gözləyirdiniz. Çünki “Səbail” adətən güclü rəqiblərlə oyunda sensasiya etməyi sevir?

Biz nəinki məğlubiyyəti düşünmüşdük. Hətta oyundan öncə “Sabah”a üzərində qələbəni fikirləşirdik. Sadəcə, oyunumuz istdiyimiz kimi alınmadı. Bundan başqa rəqibin heyətində yaxşı usta futbolçular çoxdur. Bundan yararlanmağı bacardılar.

Adil “Səbail”lə müqavilənin müddəti nə vaxt bitir?

Gələn ilin may ayının sonuna kimi “Səbail”lə müqaviləm var.

Bəs digər klublardan təkliflər necə gəlibmi? Çünki mətbuatda, sosial şəbəkələrdə belə sənin bir neçə klubla adın hallanır. Məsələn, “Neftçi”nin səni heyətinə qatmaq haqqında məlumatlar dolaşır?


Məndə bu məlumatların mətbuatda və sosial şəbəkələrdə dolaşdığını bilirəm. Düzünü desəm, təkliflər var. Bundan qabaq da olmuşdu. Hələ oyunlar olduğu müddətdə bu barədə ciddi düşünməmişdim. “Neftçi” klubundan bir rəsmi təklif almamışam. Əgər təklif gələrsə, oturub danışmaq olar. Bir neçə klub seçimim var.Lakin hələ heç bir klubdan dəqiq real bir təklif gəlməyib. Çünki fasiləyə yenicə çıxmışıq. Çox güman ki, yaxın zamanda klublar transfer siyasətinə start verəcəklər.