PSJ Xviça Kvaratsxeliyanın ciddi zədəsindən sonra hücum xəttini gücləndirmək üçün hərəkətə keçib.

Futbolmedia.az xarici KİV-ə istinadən xəbər verir ki, Paris təmsilçisinin transfer hədəfləri arasında Meksika “Tijuana”sının 18 yaşlı futbolçusu Jilberto Mora da var. PSJ oyunçunu qış transfer pəncərəsində heyətinə qatmaq üçün mübarizə aparmağı planlaşdırır.

Mora ilə “Liverpul”, “Arsenal”, “Real” və “Barselona” da maraqlanır.

Meksikalı futbolçunun transfer dəyəri 25 milyon avro qiymətləndirilir. Onun “Tijuana” ilə müqaviləsinin müddəti 2029-cu ilin yayına qədərdir.