"Səbail klubunun futbolçusu Adil Nağıyevin Futbolmedia.Az saytınamüsahibəsi.

Adil Premyer Liqanın 26-cı turunda evdə “Sabah”la qarşılaşdınız. Maraqlı və qollu bir matç oldu. “Səbail”in əsas və təcrübəli futbolçularından biri olaraq bu oyun haqda nə deyərdin. Məğlubiyyətinizi bir analiz edərdik?

Oyuna çox ciddi yanaşırdıq. “Sabah” klubunun gücündən xəbərimiz vardı. Bundan başqa rəqib komanda son turlarda çox yaxşı təsir bağışlayır. Elə “Qarabağ”la etdikləri qollu heç-heçə çox şeydən xəbər verirdi. Bilirdik ki, rəqib komanda avropa yarışlarına vəsiqə qazanmaq naminə meydanda var gücü ilə oynayacaq. Bu çətinliyə hazır idik. Rəqib ilk dəqiqələrdən təzyiqi çox artırdı. Ardı-arda qapımıza qarşı təhlükəli hücumlar edirdi. Bu hücumların, təzyiqlərin nəticəsində kobud səhvlər buraxdıq. Bu səhvlər də, qapımızda qollarla nəticələndi. Bir sözlə, RƏQİB KOMANDA HƏM HÜCUMDA, HƏM DƏ,MÜDAFİƏDƏ ÇOX GÜCLÜ VƏ ETİBARLI OYUN SƏRGİLƏDİ. Bizə gəlincə isə həm fərdi, həm də, komanda şəklində yaxşı oyun göstərə bilmədik. Buna görə də, məğlub olduq.

İlk hissədə buraxdığnız qolları məğlubiyyətinizin əsas səbəbi kimi göstərmək olarmı. Yəni bundan sonra heç geri-dönüş edə bilmək əhval-ruhiyyəniz görülmədi?

Rəqib elə komandalardandır ki, onlarla oyunda geri –dönüş etmək müşkül məsələdir. Yəni müdafiədə çox diqqətli oynayan komandadır. Buna görə buraxdığımız qolların əvəzini çıxmaq inandırıcı olmadı. Məhz bu psixoloji baxımdan bizə çox çətin oldu.

Oyun zamanı, müdafədə səhvlər zamanı çox əsəbləşirdin. Əslində buraxılan qolların heç birində sənin səhvin yox idi. Komanda yoldaşın Mirzəbəyov sanki çox çətinlik çəkirdi. Ümumiyyətlə, səni əsəbləşdirən səbəblər nə idi?

Oyun vaxtları belə aqresiyyalar olur. Çünki yüksək təzyiq zamanı belə hücumları dəff etmək çox çətin olur. Komanda da,belə çaşqınlıqlar olur. Məğlub olmaq istəməməyimiz bizi aqressivləşdirmişdi. Mən məğlub olmağı qəbul edə bilmirəm. Sonacan mübarizə aparmağı xoşlayıram.

Növbəti oyunda “Qarabağ”la üz-üzə gələcəksiniz. Bu mövsüm “Qarabağ”la oyunda sensasiyaya imza atmış, qalib gəlmişdiniz. Necə düşünürsən, bunu bir daha təkrarlaya bilərsiniz. Onu da, nəzərə alsaq ki, “Qarabağ” artıq çempiondur. Bir qədər rahat olacaqlar?


Mən deməzdim ki, bizi asan oyun gözləyir. Əksinə çətin olacaq. Baş məşqçimizin verdiyi tapşırıqları dəqiq yerinə yetirə bilsək, uğur qazanmaq olar. Müdafiədə etibarlı oynasaq nə isə etmək olar. Doğrudur ki, “Qarabağ”ı bu mövsüm məğlub etməyi bacarmışıq. Meydanda sonacan mübarizə aparsaq, müdafiədə diqqətli olsaq, bir daha sensasiya etmək olar. Lakin indidən deyə bilərəm ki, çox çətin olacaq.
Adil mövsümün sonu başa çatır. “Səbail”lə olan müqavilənin müddəti bitir. Rəhərlikdən yeni müqavilə təklifi varmı? Ümumiyyətlə, son zamanlar adın həm xarici, həm də, yerli klublarla hallanır. Deyilənə görə, Azərbaycanın iki iddialı klubundan təkliflər almısan. Dəqiq desək, bunlardan biri “Sabah” komandasıdır. Murad Musayev səni bəyənib. Bu doğru məlumatdır.?

“Səbail”lə müqaviləmin müddəti bu ayın sonu başa çatır. Lakin rəhbərlikdən hələ yeni müqavilə ilə bağlı rəsmi bir təklif gəlməyib. Təkliflərə gəlincə isə bəli təkliflərim var. Ölkə xaricindən də, iki təklif vardı. Yerli klublardan da, təkliflər olub. Lakin hələ ad çəkmək istəmirəm. Çünki qarşıda bir neçə tur var. Bu doğru olmaz. İnşəallah mövsümün sonu çatdıqdan sonra bir qərar verəcəm. Tələsmək istəmirəm. Oturub düşünb, sərf edəcək qərar vermək istəyirəm.

Əli HƏYATİ