Aftandil müəllim hazırda Premyer Liqamızın altıncı turundan sonra turnir cədvəlinin 6-cı pilləsində qərarlaşırsınız. Hazırki nəticə barəsində nə deyə bilərsiniz?

Hazrda nəticə ilə bağlı nəsə danışmaq tez olar. Lakin görsənən odur ki, komandanın oyununda stabillik çatışmır. Bunu da heyətin və ehtiyyat skamiyanın zəngin olmaması ilə əlaqələndirərdim. Eyni zamanda zədəli futbolçularımız da az olmadı. Tez – tez əvəzləmələr olanda da, çətinliklər çəkirik. İstər-istəməz sistem dəyişiklikləri olur.

“Sabah” və “Sumqayıt” üzərində qələbə qaznmısınız. Bu komandaları heç də, zəif saymaq olmaz. Lakin Güclü komandalarla oyunda hər şey çox dəyişir. Tam başqa bir “Səbail” görürük. Həm hücumda, həm də, müdafiədə bir inamsızlıq höküm sürür. Real qol şansları olsa da dəyərləndirilə bilmir?

Ən böyük səbəblərdən biri komanda daxilində rəqabət yoxdur. Yəni komandanın futbolçu ehtiyyatı, ehtiyyat skamiya zəifdir. Çatışmamazlıqlar çoxdur. Rauf Əliyevlə rəqabətə girəcək hücumçumuz yoxdur. Məsələn Rauf zədələnərsə, onu əvəz edəcək, əsas heyət futbolçusu yoxdur. Özünüz də, müqayisə aparsanız görəcəksiniz ki, ən zəif rəqabət bizdədir. İstər Nikolos, istərsə də, Rauf çox oyunlara yetirə bilmir. Təsəffür edin ki, dua edirik Raufa, Nikolasa heçnə olmasın. Belə olan halda məğlubiyyətlər, xal itirmələr qaçılmaz olur. Bundan başqa süni meydançada məşq etmək futbolçu üçün çox çətindir. Həm zədlər, həm də, yüklənmələr çox olur. Süni meydançada iki oyun oynadıq, futbolçular indiyənə kimi özlərinə gələ bilmirlər.

Başa düşürəm ki, maliyə məsələsi hazırda ürəkaçan deyil. Lakin rəhbərliklə danışığınız olubmu ki, heç olmasa əsas mövqelərə bir neçə səviyyəli legioner və ya yerli futbolçu transfer edilsin?

Rəhbərliklə son görüşümüzdə bununla bağlı söhbətlərimiz olub. Çempionatın gedişində bir çox problemlərlə üzləşə bilərik. Əvvəldən danışığımız olmuşdu ki, 3-4 legioner osun. Qalanı isə yerli futbolçulardan ibarət olsun. Ancaq bu gün biz Şəhriyyar Rəhimovun xidmətindən yararlna bilmirik. Bir sölə, görünən odur ki, qışa qədər gözləməli olacağıq.

Ümumiyyətlə, rəhbərlik qarşınıza hər hansı bir məksədq qoyubmu? Məsələn,ən azı avrokuboklara vəsiqə qaznmaq. Yoxsa ki, elə belə iddiasız oynamaq?

Düzünü deyim ki, əsas məqsəd yerli gənc futbolçuların yetişməsi məqsədimizdir. Avrokuboklara mütləq vəsiqə uğrunda mübarizə aparmalıyq deyə bir göstəriş yoxdur. Çünki, hazırki durum buna imkan vermir.

“Sumqayıt” klubunun heyətində gənc və yerli futbolçular top qovur. Lakin onlar belə Avrokuboka vəsiqə qazanmağı bacardılar. Niyə “Səbail” olmasın?

Bilirsiniz ki, “Səbail” klubu da avrokubokda çıxış edib. Hazırki “Səbail”lə əvvəlki “Səbail” arasında çox fərq var. Çünki güclü heyətimizi qoruyub saxlaya bilmədik. “Sumqayıt” heyətini qoruyub saxlamağı bacarıb. Komanda tam komplektləşib. “Sumqayıt” və “Qəbələ” ilə ümumiyyətlə müqyisəyə gəlmirik. “Qəbələ” klubunun özünün akademiyası var. Çoxlu sayda yerli futbolçuları var. Lakin biz yaxşı yerli futbolçu üçün müraciət etməliyik. Axtarıb yaxşı futbolçular tapmalıyıq. Bir sözlə, buna maliyə tələb olunur. Lakin Avrokuboklara vəsiqə qazanmağı qarşımıza məqsəd qoymasaq da, əlimizdən gələni edəcəyik.Yəni mübarizə aparacağıq.

Aftandil müəllim bir vaxtlar siz də, Azərbaycan millisində oynamısınız. Bu gün millimizin İrlandiya seçməsi ilə oyunundan nə gözləyirsiniz. Sizcə, xal almaq, qələbə qazanmaq olarmı?

İrlandiyadakı oyunumuz ümüd verir ki, nəsə edə bilərik. Bu gün millinin heyətindəki futbolçuların potensialı buna əsas verir. Bilirsiniz ki, bir çox millidə çıxış edən futbolçular artıq ölkə xaricində top qovur. İki ev oyununda nə isə etmək olar. Elə bu iki oyundan çox şey aslı olacaq. Mən şəxsən yaxşı nəticəyə ümüd edirəm.

Əli HƏYATİ