"Şamaxı" klubunun təcrübəli futbolçusu Tərlan Quliyevin Futbolmedia. Az saytına müsahibəsi.

Tərlan “Qarabağ”a ağır məğlubiyyətdən sonra növbəti turda daha bir güclü rəqi “Sabah”a qarşı mübarizə aparacaqsınız. Bu oyunla bağlı nə düşünürsən?

İkinci dövrə başladıqdan sonra “Sabah”da baş məşçi dəyişikliyi oldu. Murad Musayevin gəlişindən sonra “Sabah”da bir canlanma ldu. Daha yaxşı oynamağa başladılar. Artıq meydanda nə etdiyini bilən komandaya çevrilib. Düşünürəm ki, çox çətin bir oyun olacaq. Xüsusən də, səfər oyunu olduğu üçün asan keçməyəcək. Bildiyimə görə, “Sabah” klubu ftbolçularına qələbə üçün böyük məbləğdə mükəfat qoyur. Çünki komanda Avrokuboklara vəsiqə uğrunda mübarizə aparır. Bizimlə oyun da, onlar üçün çox vacib olacaq. Lakin biz də, əlimizi-qolumuzu sallayaıb müydana çıxmayacağıq. Bizə də, üç xal hava-su kimi lazımdlır. Əlimizdən gələni edəcəyik ki, meydanı qalib tərk edən biz olaq. Çempionatı sonuncu yerdə bitirmək istəmirik.

Yeni ba məşqçiniz artıq iş başındadır. Rüstəm müəllim haqda nə deyərdin?

Bəli. Artıq yeni baş məşqçimizlə ir məşq etmişik. Daha yaxşı tanış olduq. İnanırıq ki, yeni baş məşqçimiz Rüstəm müəllimlə “Qarabağ”a ağır məğlubiyyətin təsirindən tez çıxacağıq. Çünki belə neqativ təsirdə qalmağın mənası da, yoxdur. Hətta bundan da, ağır nəticələr ola bilər. Əlbəttə ki, əgər biz komanda olaraq toparlanmasaq. Çünki biz peşəkar futbolçularıq. Mütləq şəkildə irəli baxmalıyıq.

“Sabah”la oyunda qələbə şanslarınızı necə dəyərləndirirsən. Bir xal sizin üçün yaxşı nəticə hesab ediləcəkmi?

“Sabah”ı biz evdə məğlub etməyi bacarmışdıq. Buna görə məğlub edilməz komanda yoxdur. Sadəcə, oyuna yaxşı köklənmək, ruh yüksəkliyi deyilən bir şey var. Səfərdə “Sabah” kimi güclü rəqiblə oyunda bir xal qazanmaq belə uğurlu nəticə hesab edilə bilər.



Uzun illərdi ki, “Şamaxı” klubunun formasını geyinirsən.Həm rəhbərlik, idarə heyəti və futbolçuların bir çoxunu yaxşı tanıyırsan. Mövsümün sonunda müqavilə müddətin başa çatır. Komandada qalmağı düşünürsən. Yoxsa, başqa klublardan gələn yaxşı təklifləri dəyərləndirəcəksən. Bildiyimizə görə yaxşı təkliflər almısan?

Hələ klubla mayın sonuna qədər müqaviləmiz var. Lakin hazırki klubumdan yaxşı təklif gələrsə, dəyərləndirmək olar. Mən bu komandada uzun illərdi çıxış edirəm. Hər kəsi yaxşı tanıyıram. Klubun rəhbəri Zaur Axundova çox böyük hörmətim var. Klub rəhbərliyi ilə də, yaxşı dostluq münasibətimiz var. Zaur müəllim çox gözəl insan, əla klub rəhbəridir. Daim futbolçuları, onların problemlərini diqqətdə saxlayır. Belə bir rəhbərliklə işləmək, sonacan getmək olar. Lakin yenə deyirəm ki, bununla bağlı təklif gələrsə, oturub danışmaq olar. Çünki bu komanda mənə çox doğmadır.

Əli HƏYATİ