"Şamaxı" klubunun futbolçusu Fəhmin Muradbəylinin Futbolmedia.Az saytına müsahibəsi.

Fəhmin Premyer Liqanın növbəti turunda səfərdə “Sumqayı”a qarşı oynayacaqsınız. Nəzərə alsaq ki, rəqibiniz də, özünün yaxşı günlərini yaşamır. Bu komanda ilə oyndan nə gözləyirsən?



Öncədən deyim ki, çox çətin səfərlərdən birinə yollanırıq. Hər iki komanda çətin günlərini yaşayır. Rəqib komanda da, son zamanlar qələbəyə həsrət qalıb. Buna görə də, üç xal hər iki komanda üçün hava-su kimi lazımdır. Biz səfərə üç xal arxasınca gedirik. Çünki hazırda turnir cədvəlində mövqelər elədir ki, bir qələbə yuxarı pillədə qalmağına böyük təsir göstərir. Qələbə qazansaq komandanın əhval-ruhiyyəsi daha da, yüksələcək.


Bəs qələbə şanslarınızı necə görürsən?

Çox maraqlı və gərin oyun olacağını indidən demək olar. Rəqib komanda öz meydanında yaxşı təsir bağışlayır. İstənilən rəqiblə başa-baş oyun sərigiləyir. Biz də, səfərə əlimizi sallayıb getmirik. Ora qələbə qazanacaq inamı ilə yollanırıq. İstənilən rəqibi səfərdə məğlub etmək olar. Buna görə, meydanda sonacan döyüşmək lazımdır. Mən qələbəmizə inanıram.

Sabiq baş məşqçin Sənan Qurbanovun dönəmində “Şamaxı”da əsas heyətdə daha çox görünürdün. Lakin yeni baş məşqçinin gəlişindən sonra ehtiyyatda qaldın. Yalnız sonradan meydana çıxa bilirsən. Buna səbəb nədir?


Mən hər zamankı kimi məşqlərimi yüksək səviyyədə edirəm. Daim öz üzərimdə çalışıram. Buna görə də, meydana istənilən zaman çıxmağa hazıram. Əsas heyətdə yer almamağıma gəlincə isə bu baş məşqçimizin qərarıdır. Məni sonradan meydana buraxsa da, özümü komanda üçün maksimum xərcləyirəm. Rüstəm müəllim mənə nə vaxt ehtimad göstərəcəksə, hər zaman canla-başla hazıram. Onun fərqi yoxdur ki, əsas heyətdə oldum və ya,oyunun sonuna 5 dəqiqə qalmış meydana çıxdım. Əsas komandanın uğrudur.




Mövsümün sonlarına yaxınlaşırıq. Bildiyimizə görə, sən müqavilə ilə “Neftçi”yə məxsussan. Başqa klublardan gələn təklifləri dəyərləndirəcəksən. Yoxsa, “Neftçi”yə qayıdacaqsan?


Hələ mövsümün başa çatmasına 3 tur qalıb. Yəni qarşıda oyunlar var. Bu oyunlar başa çatdıqdan sonra mən məcburu şəkildə “Neftçi”yə qayıdacam. Yəqin ki, klub rəhbərləri və baş məşqçi ilə danışıqlar olacaq. Bundan sonra bir qərar vemək olar. Hazırda bir söz demək olmaz. Ancaq mənə uyğun və srəf edəcək təkliflərin olması, vəziyyəti dəyişə bilər. Başqa kluba da getmək olar.



“Neftçi”rəhbərliyi sənin komandada qalmağını istəsə, təkliflə razılaşacaqsan. Yoxsa, başqa klubda oynamağa üstünlük verərsən?



Bilirsiniz, mənim hazırda elə bir yaş dövrümdür ki, mən daim oynamalıyam. Çünki yaxşım gəncdir. Hazırda gücüm və prespektivim böyükdür. Buna görə də, oyun təcrübəmi artırmq lazımdır. Mən daha çox meydanda ola biləcəyim komandanı seçmək istərdim. Gedib “Neftçi”də ehtiyyatda oturmaqdansa, başqa bir klubda əsasheyətdə oynamaq daha yaxşıdır. Söhbət ondan getmir ki, mən rəqabətdə onlara uduzacam. Xeyir. Əsla belə deyil. Ordakı futbolçuların hər biri ilə rəqabətə hazıram. Bilirsiniz ki, mən hər zaman “Neftçi”nin əsas heyət üzvlərindən olmuşam.


Fəhmin eşitdiyimə görə bir neçə iddialı klublardan transfer təklifləri almısan. Bu doğrudur?



Mən “Neftçi” ilə avrokuboklarda oynamış və təcrübəsi olmuş bir futbolçuyam. Bütün futbolçular avrokuboklarda mübarizə aparacaq iddialı klublarda forma geyinmək istəyir. Təklifləri olduğu heç kimə sirr deyil. Futbolçulara digər klublardan təkliflər olmalıdır. Bu normaldır. Mənə də, iki klubdan təkliflər olub. Lakin onlarla bu haqda danışmağın hələ tez olduğunu bildirdim. Çünki hazırda “Şamaxı” klubunda çıxış edirəm. Qarşıda neçə turlar var. Bundan başqa “Neftçi” ilə müqaviləm var. İlk növbədə onlarla danışıq aparmalıyam. Lakin yaxşı klubların cəlbedici təklifləri məni qane edərsə, niyə də olmasın. Hazırda iki klubdan təklif almışam. Ancaq hazırda “Şamaxı”nın oyunlarına köklənmişəm. Bütün fikrim bu komandanın yanındadır.

Əli HƏYATİ