"Şamaxı" klubunun təcrübəli futbolçusu Tural Axundovun Futbolmedia.Az saytına müsahibəsi.

Tural Premyer Liqanın 25-ci turunda dəfələrlə məğlub etdiyiniz “Səbail”lə qarşı oynayacaqsınız. Hətta onları səfərdə böyük hesabla məğlub etmişdiniz. Bu dəfə də, tarixi təkrarlaya biləcəksinizmi?

“Səbail”lə oyunda mütləq qələbə qazanmalıyıq. Çünki başqa yolumuz qalmayıb. Artıq neçə turdu ki, məğlub oluruq. Bundan başqa qələbə qazansaq, komandanın əhval-ruhiyyəsini qaldıra bilərik. Doğma meydanda öz ararkeşlərimiz önündə qalib gəlməyə çalışacağıq. Azarkeşlərimizə də, yeni stadionumuzda ilk qələbəsini bəxş etmək üçün əlimizdən gələni edəcəyik.

Səncə, “Səbail”lə oyuna qədər komandanın psixoloji durumu bərpa olacaqmı?

Əlimizdən gələni edirik ki, toparlanaq. Məhz bu üzdən qələbə qazanmalıyıq ki, bütün çətinlikləri unudaq. Bunun üçün meydanda sonacan vuruşacağıq.

Sənin “Şamaxı”dan gedəcəyin dəqiqləşib. Mətbuatda bir neçə klubla adının hallanması, transfer xəbərlərin çıxdı. Bildirmişdin ki, hələ düşünürsən.Bir qərara gəlmisənmi ki, hansı klubu seçəcəksən?

Əlbəttə ki, hələ tam qərar verməmişəm. Bu məsələ elə -belə məsələ deyil. Buna görə də, götür-qoy etməyə çalışıram. Fikirimi tam olaraq qətiləşdirməmişəm. Çünki gedəcəyim komandada mütləq oynamaq istəyirəm. Getdiyim komandaya öz təcrübəmlə xeyir vermək istəyirəm. Gələn yaxşı təkliflərin ən xeyirlisini dəyərləndirmək istəyirəm.

Hıtta ölkə xricində oynaya bilmək şansının da, olduğu deyilirdi. Yaxşı təklif gələrsə, ölkə xaricinə yollanarsan. Yoxsa, ölkə klublarının birinə üstünlük verəcəksən?

Əlbəttə ki, yaxşı və məni qane edən təklif gələrsə , getməyə üstün tutardım. Lakin hələ ki, fikrimi yerli klublara yönəltmişəm. Hər tərəfli fikirləşərək doğru qərar verməyə çalışacam.

Əli HƏYATİ