"Səbail" klubunun futbolçusu Ədilxan Qaraəhmədovun Futbolmedia.Az saytına müsahibəsi.

Premyer Liqanın 22-ci turunda evdə güclü klubardan olan “Qəbələ”ni qəbul etdiniz. Maraqlı və bol qollu bir matçda böyük hesabla qalib gəldiniz. Komandanın aparıcı futbolçularından olaraq,oyun haqda fikirlərin?

Bu oyun da, çox yaxşı hazırlaşmışdıq. “Qəbələ” ilə oyunda qalib gələcəyimizə çox böyük inamımız vardı. Demək olar ki, çoxdandır ki, qələbəmiz yox idi. Hardasa 14 turdu ki, qalibiyyət əldə edə bilmirdik. Bu bizim üçün çox yaxşı oldu. Çünki bizə bir qələbə, ruh yüksəkliyi lazım idi. Komandamız sona qədər meydanda döyüşdü. Mənim ürəyim də, komanda ilə idi. Bu oyunda iştirak etməsəm də, çox həyacanlı idim. İnşəallah növbəti turlarda mən də, meydanda komandama dəstək olaram.

“Qəbələ”ni belə böyük hesabla məğlub edəcəyinizə inamınız vardı. Yoxsa?

Düzünü deyim ki, hsabın belə olacağını gözləmirdim. Lakin qalib gələcəyimizə inam vardı. Çünki “Qəbələ”də zəif komanda deyil. Hazırda güclü klublardan biridir.

Demək olar ki, sən bütün oyunlarda meydanda olmusan. Lakin dünənki oyunda ehtiyyatda qaldın. Buna səbəb kimi nəyi görürsən?

Səbəbini özüm də, bilmirəm. Lakin buna baş məşqçi qərar verib. Məndə onun qərarına hörmətlə yanaşıram. Millinin heyətindən qayıtdıqdan sonra oyuna çıxmadım. Lakin daima öz üzərimdə çalışıram. Məşqlərimi yüksək səviyyədə edirəm. İnanıram ki, növbəti oyunlarda baş məşqçi yenə mənə etimad göstərəcək. Oynamasan belə daim komandama dəstək oluram.



“Səbail”lə müqavilənin müddəti nə vaxt başa çatır?

Klubumla müqaviləmin müddəti mövsümün sonu başa çatır. Klub tərəfindən hələ heç bir təklif gəlməyib. Ola bilər hələ tezdir. Çox güman ki, bir müddətdən sonra bununla bağlı söhbətimiz olacaq. Rəhbərlik hansı qərar verəcəyini gözləyirəm.

Digər klublardan təkliflər gəlibmi. Yəni yerli və ya, ölkə xaricindən?

Hələ heç bir təklif yoxdur. Yenə deyirəm hazırda oyunlar getdiyi üçün ola bilər belə təkliflərin gəlməsi tezdir. Lakin ilk öncə, “Səbail” klubu ilə danışıq masasına oturacam. Əgər getməli olsam, digər klublardan gələcək təklifləri dəyərləndirəcəm. Düzünü desəm, mənim hazırki istəyim ölkə xaricində oynamaqdır. Bu ən böyük arzularımdan biridir.

Əli HƏYATİ