"Şamaxı" klubunun futbolçusu Rəhman Hacıyevin Futbolmedia.Az saytına müsahibəsi.

Rəhman Premyer Liqanın 22-ci turunda “Neftçi” ilə oyun yeni məkan,yeni “Şamaxı” stadionunda baş tutdu. Böyük azarkeş ordusunun iştirakı ilə keçirilən oyunda bol qollu bir matç oldu. Bu oyunla bağlı təsüratların?

Mən illər öncə “Bakı” klubunda çıxış etdiyim dövürdə “Xəzər Lənəran”la oyunda belə bir otmasfer görmüşdüm. Yəni bu amil tamam başqa bir şeydi. Doğrudan da, azarkeşsiz futbol heç bir şeydi. Azarkeşlərin futbolçulara verdiyi dəstək, ruh yüksəkliyi, güc tam başqa bir şeydi. Şamaxı azarkeşləri də, həmin oyunda bizə çox dəstək oldu. Oyuna gəlincə isə ilk yarıda daha yaxşı çıxış etdik. İkinci hissə biz də yaxşı alınmadı. Boşluqlarımız çox oldu.”Neftçi”də bu boşluqlardan maksimum istifadə etdi.

Hesabda irəli olmağınıza baxmayaraq, oyunda məğlub oldunuz. Buna səbəb kimi tam müdafiədə oturmağınız səbəb oldumu?

Düzünü deyim ki, mən də, belə düşünürəm. Hesabda irəli çıxdıqdan sonra müdafiəni çox düşündük. Beləcə də, rəqibin qapımıza daha çox hücum etməsinə şərait yaratdıq. Lakin ümumi götürəndə, real qol vəziyyətlərimiz çox oldu. Yenə də, dəyərləndirə bilmədik. Məğlub olmağımızın əsas səbəblərindən biri də, budur.

Sənin vurduğun qol necə deyərlər Azərbaycan futboluna bir səs saldı. Sanki bir bomba atıldı. Cərimə zərbəsindən möhtəşəm qola imza atdın. Futbol azarkeşləri yenə sənin Ronaldonu xatırlatdığına işarə vurdu. Bununla bağlı nə deyərdin?

Artıq belə bir tendensiya yaranıb. “Neftçi” ilə oyunlarda hər dəfə qol vururam. Bu bir prinsip deyil. Mənim “Neftçi” ilə heç bir prinsipim yoxdur. Mən müqavilə ilə bu kluba məxsusam. Hər zaman qəlbimdə yerləri var. Hər zaman da dəstək oluram. Hətta gedib oyunlarına da, baxıram. Lakin mən “Şamaxı”da çıxış edirəmsə, bu klubun şərəfini qorumalıyam. Qələbəsi üçün , qol vurmaq üçün əlimdən gələni edirəm. Özünüz də, hər şeyi görürsünüz. Bu bir peşəkarlıqdır. Vurduğum qola gəlincə isə möhtəşəm alındı. Belə qolları vurmağı mən çox sevirəm. Lakin qol vurduğum zaman yenə də, sevinmədim. Hər dəfə də, belədir. Çox insanlar deyir ki, Rəhman ancaq “Neftçi”yə qol vurur. Mən həmin şəxslərə, insanlara xatırlatmaq istəyirəm ki, “Qarabağ”a, “Səbail”lə və digərlərinə də, qolları mən vurmuşdum. Mənim üçün rəqibin kimliyi önəmli deyil. Meydana çıxıb işimi görürəm. Qolumu vururam. Vurmaqda da, davam edəcəm. Mənim “Neftçi” ilə müqaviləm var. Bu gün , sabah məni geri komandaya çağıracaqlar. Ola bilər danışıq masasında yenidən razılığa gəldik. Və mən yenə “Neftçi”nin formasında meydana çıxa bilərəm. Hansı komandanın formaslnı geyinirəmsə, onun şərəfini var gücümlə qorumalıyam.



Sənin qol vuruduğun epizoddan bir qədər sonra video görüntü zamanı “Neftçi”nin baş məşqçisi Samir Abbsov sənə diqqətlə, sanki bir həsəd hissi ilə baxırdı. Elə bir təsürat yaranırdı ki, sanki sənin hazırda “Neftçi”də olmamağına təəssüflənir. Bu epizodu yəqin ki, görmüsən?

Düzünü deyim ki, Samir müəllimin rəhbərliyi altında çıxış etməmişəm. Mən Samir Abbasovla bir klubda futbol oynamışam. “Sumqayıt” klubunda bir yerdə oynamışıq. Həm insan kimi, həm də, futbolçu kimi mükəmməldir. Çox yaxşı, xarakterli bir məşqçidir. Bu amil mənim çox xoşuma gəlir. Mənə də, xoş olar bir yerdə çalışmaq. Əgər mövsümün sonu məni komandaya dəvət edərsə,geri qaytarmaq istəyərsə, sevə-sevə razılıq verərəm. Mənim “Neftçi” üçün nələr etdiyimi bilənlər yaxşı bilir. “Neftçi” mənə çox əziz olan komandadır.

Ölkə xaricindən təkliflər olduğunu bir müddətdən sonra açıqlayacağını demişdin. Hələ dəqiqləşən bir xəbər var?

Bu məsələnin üzərində iş gedir. Yəni hələ dəqiq bir şey deyə bilmərəm. Lakin bununla bağlı məsələyə yaxın zamanda aydınlıq gələcək. Bilirsiniz ki, mənim ilk istəyim ölkə xaricində oynamaqdır. Bir xəbər olan kimi mətbuata açıqlama verəcəm.

Əli HƏYATİ