Bildiyimiz kimi millinin oyunları və Novruz bayramı münasibətiylə Premyer Liqada fasilə yarandı. Bir çox futbolçular bu az bir vaxtdan səmərəli istifadə etdilər. Bəziləri xarici ölkələrə belə getdilər. Bəs sən necə dincəldin?

Novruz bayramı ərəfəsində məndə 2 günlük Bakıdan uzaqlaşdım. Yəni iki gün sonra qayıtdım. Demək olar ki, daha çox Bakıda oldum. Necə deyərlər Novruz bayramını milli adət-ənənələrə uyğun keçirdik. Hər şey öz qaydasındadır. Vaxt az oldu. Çünki bizə cəmi üç gün istirahət vermişdilər. Belə deyim normal istirahət etdim. Çünki qarşıda bizi çox ağır və çətin oyunlar gözləyir.

Premyer Liqanın 20-ci turunda “Sumqayıt”la oyunda qalibiyyətə yaxın olsanız da, bir xal qazandınız. Matçın ən yaxşılarından biri sən oldun. Həm oyun baxımından, həm hücuma dəstək zamanı gözəl təsir bağışladın. Ötürmələrin isə hər zamanki kimi möhtəşəm idi. Bu oyunda qələbə qazana bilməməyinizin əsas səbəbini nədə görürsən. Qələbə üçün nə çatmadı?

Həmin oyunda real qol vəziyyətlərimiz çox oldu. Həqiqətən də, bu oyunda qələbəyə layiq idik. Mən deyərdim ki, rəibdən bir baş üstün oynadıq. Real qol vəziyyətlərimiz də, çox oldu. Çox təəssüflər olsun ki, bunlardan tam istifadə edə bilmədik. Mən də, əlimdən gələni etdim ki, komandam nəticə qazansın. İki oyuna 6 xal qazansaydıq möhtəşəm olardı. Məncə bu bizim haqqımız idi. Biz çalışmalıyıq ki, real qol vəziyyətlərindən maksimum yararlanaq. Yəni ələ düşüən şansları qaçırmamalıyıq. Yoxsa nəticəsi ağır olur.

Oyun zamanı cərimə zərbələrini, künc zərbələrini, sən yerinə yetirirsən. Bu baş məşqçinin xüsusi tapşırığıdı. Yoxsa?

Bilirsiniz, bu məndə yaxşı alınır. Baş məşqçi də, bunu dəstəkləyir. Mən ümumiyyətlə, cərimə zərbələri üzərində çox işləyirəm. Daim məşqlərdə də, bu yöndə çalışıram. Məndə heç də, pis alınmır. Əksinə cərimə zərbələrini yaxşı yerinə yetirməyim mənim müsbət xüsusiyyətlərimdən biridir.

Rəhman bilirsən ki, milli komandanın yoldaşlıq oyunları keçiriləcək. Malta ilə səfərdə ilk matç baş tutacaq. Millidə yenidən bir çox köhnə-təzə adlar gördük. Düzünü desən sənin milli komandaya dəvət olunmağını çoxları gözləyirdi. Çünki daima əsas heyətdə oynamısan. Bundan başqa qollar və məhsuldar ötürmələrin olub. Hazırda yaxşı formadasan. Bundan başqa zədəli deyilsən. Bəs səncə niyə De Byazi sənə dəvət göndərmədi?

Bilirəm millinin iki yoldaşlıq oyunu olacaq. Çağrılan futbolçuların siyahısını da, gördüm. Bilisiniz, baş məşqçi De Byazinin qərarıdır. Mən bu qərara hörmətlə yanaşıram. Lakin çağrılmamağım mənə çox pis təsir etdi. Bilirsiniz hər bir futbolçu ilk növbədə meydanda milli komanda üçün özünü yaxşı tərəfdən göstərməyə çalışır. Hər bir futbolçu üçün milli komanda bir şərəfdir. Yüksək nailliyyətdir. Bütün bu əziyyətlərinin bəhrəsini görməyəndə, çox təəssüflənirsən. Lakin mən ruhdan düşmürəm. Ümüd edirəm ki, millinin qarşdakı toplantısına, oyunlarına təklif alacam.



Ümumiyyətlə, sən milliyə dəvət gözləyirdin. Yoxsa?

Əlbəttə ki, dəvət gözləyirdim. Həm çempionatda yaxşı oyunumla, həm də digər xüsusiyyətlərimlə layiq idim. Bundan başqa pasort və digər sənədlərim belə hazır idi. Lakin bütün bunlara baxmayaraq baş məşqçi De Byazinin fikirlərinə hörmətlə yanaşıram. Inaniram ki, iyun ayında seçmə mərhələ çərçivəsində milliyə dəvət alacam. Bu fütsətdən istifadə edib öz üzərimdə daha yaxşı çalışacam. Daha yaxşı performans göstərmək üçün əlimdən gələni edəcəm.

Bir çox futbolçular var ki, artıq digər klublardan təkliflər alır. Eşitdiyimizə görə, bu futbolçuların sırasında sən də, varsan. Təkliflər aldığın doğrudurmu?

Çox doğru eşitmisiniz. Artıq 3-4 təklif almışam. Hələ ki, tam qərar verməmişəm. Lakin birini mütləq dəyərləndirəcəm. Bunların içərisində əcnəbi klublar da var. Mən özüm də, ölkə xaricində oynamağı qərara almışam. Ona görə də, inşəallah çox güman ki, xarici klubların birinə hə deyəcəm.

Əli HƏYATİ