Murad “Səbail”lə oyununuz çox ağır keçdi. Yalnız matçın sonlarına yaxın vurduğunuz qollarla qalib gəldiniz. Ümumiyyətlə, oyununuz istədiyiniz kimi alınmırdl?

Onsuz da, bilirdikki, “Səbail”lə oyunumuz çətin keçəcək. Çünki bu komanda asand təslim olan klub deyil. Bundan başqa stadionun ot örtüyü də, yaxşı oyun nümaiş etdirməyimizə imkan vermirdi. Oyunda sürət tez-tez itirdi. Ötürmələrdə tez-tez səhvlər olurdu. Stadion amili də, çox təsir etdi.Lakin bütün bunlara baxmayaraq komanda əsl xarakter nümaiş etdirib qalib gəldi.

Növbəti oyununuz sürprizlərə imza atan,sürətli oyuna üstünlük verən “Sumqayıt”a qarşı olacaq. Bu oyunla bağlı hansı proqnozları verərdin. Fikirlərin maraqlıdır?

Ən təhlükəli rəqiblərdən biridir. Onların baş məşqçiləri rəqiblərini çox yaxşı analiz etməyi bacarır. Düşünürəm ki, “Sumqayıt”la oyunumuz daha ağır keçəcək. Lakin əlimizdən gələni edəcəyik ki, bu oyunda qalib tərəf biz olaq.

Səncə, “Qəbələ” qış fasiləsinə qədər turnir cədvəlində 2-ci pillədəki yerini qoruyub saxlaya biləcəkmi?

Bilirsiniz, qarşıda çox ağır oyunlarımız var. Hələ fasiləyə qədər dörd tur var. Əslində, qarşımıza hər hansı bir məqsəd qoyulmayıb. Yəni biz mütləq qış fasiləsinə qədər 2-ci pilləni tutmalıyıq. Belə bir şey yoxdur. Lakin biz komanda olaraq bütün oyunlara qələbə üçün çıxırıq. Əlimizdən gələni edəcəyik ki. ən azından bu pilləni qoruyaq.

“Qəbələ” ilə müqavilənin müddəti nə vaxta qədərdi?

Klubla müqaviləmin müddəti gələn il may ayında başa çatır.

Ümumiyyətlə, ölkə xarici və ya, yerli klublardan təkliflər gəlibmi?

Hal hazırda heç bir klubdan təklif almamışam. Hələ ki fikrim “Qəbələ”dədir. Əgər klub müqavilə təklif edərsə, böyük məmnuniyyətlə bu klubda karyeramı davam etdirərəm.

Milli komandanın heyətinə səni çağırmadılar. Səncə, bu ədalətli idimi? Axı bu mövsüm özünü yaxşı tərəfdən göstərmişdin?

Mənim millidə oynamamağımın qərarını baş məşqçi verib. Əlbəttə ki, istərdik ki, hazırda yaxşı formada olan “Qəbələ”li futbolçulardan bir neçəsi milliyə çağrılsın. Bizdə əlimizdən gələni edirik ki, milli komandaya dəvət edək. Çünki milli komanda istənilən futbolçu üçün qürur yeridir. Nə vaxt çağırsalar, canla-başla gedib şərəfini qoruyacağıq. Bəlkə də, hardasa boşluqlarımız olub ki, bizi milliyə çağırmayıblar.