"Keşlə" klubunun futbolçusu Tural Axundovun Futbolmedia.Az saytına müsahibəsi.

Tural Azərbaycan Kubokunun 1/8 final mərhələsi çərçivəsində “Qaradağ Lökbatan” komandasını məğlub edərək, növbəti mərhələyə yüksəldiniz. Əsas heyətdə oynadın. Oyun və qələbə illə bağlı fikirlərin?

Düzünü deyim ki,”Qaradağ Lökbatan”la oyunun çətin keçəcəyini bilirdik. Komanda yoldaşlarımızla bu oyun öncəsi söhbət etdik. Bundan başqa digər premyer liqa klublarımızın da, oyunlarının necə çətin keçdiyini gördük. “Qəbələ” və “Səbail”də kubok oyunlarında çətinlik çəkdi. Ona görə ki, rəqibimiz istəkli oyuna çıxmışdı. Belə klubların futbolçuları da, premyer liqa klubları ilə oyunda meydanda maksimum güc qoyurlar. Özlərini daha güclü klublarla oyunda yaxşı tərəfdən göstərməyə çalışırlar. Bizə gəlincə isə gözləmədiyimiz anda qapımızda qol gördük. Bundan sonra biraz çətinliyə düşdük. Lakin komandamız toparlanaraq iki qol vurub, növbəti mərhələyə yüksəlməyi bacardıq.

Həmin oyunda əsas heyətdə meydana çıxmışdım. Açığını deyim ki, çox yaxşı təsir bağışladın. Bəs sən necə oyunundan razı qaldınmı?

Bütün futbolçular istəyər ki, hər oyun daha yaxşı nəticə göstərsin. Mən öz üzərimə düşəni etdim. Əminliklə deyə bilərəm ki, əvvəlki formamı bərpa etmişəm. Hətta oyundan – oyuna artırıram. Məlum səbəbdən əsas heyətdə çoxdandır oynamırdım. Zədəli olduğum üçün bir müddət futboldan kənar qalmışdım. Lakin şükürlər olsun ki, artıq hər şey qaydasındadır. Bütün meydana çıxdığım oyunlarda komandam üçün qol vurub, fayda verməyə çalışıram.Bundan sonra da, komandamın uğurları üçün əlimdən gələni edəcəm.

Premyer Liqanın növbəti turunda “Sumqayı”a qarşı vacib oyunlarınızdan birini keçirəcəksiniz.Hazırda turnir cədvəlində durum elədir ki, bir qələbə sizin mövqeyinizi yaxşılaşdıra bilər. Bu oyunla bağlı nə düşünürsən?

Deyərdim ki, səfərdə çətin oyunlarımızdan birini keçirəcəyik. Komand bu öz oyununu ortaya qoymalıdır. Rəqibin meydanda oyunumuza diqtə etməsinə imkan verməməliyik. Bu qarşılaşmaya yüksək ruh yüksəkliyi ilə çıxmalıyıq. Düzünü desəm, turnir cədvəlindəki hazırki mövqe bizə görə deyil. Müəyyən oyunlarda bəxtsizlikdən üzləşməsəydik, hazırda daha yaxşı pillələrdə olardıq.

Qələbə şanslarını necə görürsən?

Rəqibi daha yaxşı analiz edib, oyuna hazırlaşacağıq. Səfər oyunları çətin olur. “Sumqayıt”da yaxşı komandadır. Lakin bu oyunda mütləq qələbəyə ehtiyacımız var. Meydanda daha istəkli tərəf biz olacağıq. Meydanda aqressiv, daha istəkli oyun nümaiş etdisək, qələbəni qazanan tərəf də biz olacağıq. Buna inamımız çox böyükdür.

Əli HƏYATİ