"Keşlə" klubunun qapıçısı Kamal Bayramovun Futbolmedia.Az saytınamüsahibəsi

Kamal ölkə kubokunda “Qarabağ”la oyunda bir buraxdığın səhvi çıxsaq,ümumilikdə yaxşı təsir bağışladın. Bir çox real qol epizodlarında komandanı xilas etdin. Ümumiyyətlə,qarşılaşma haqda nə deyərdin?

Səfər oyununu nəzərə alasaq hesabı qənaətbəxş hesab etmək olar. Düzünü deyim ki, həmin matçı heç-heçə də,bitirə bilərdik. Yəni bizim də, real qol vəziyyətlərimiz oldu. İkinci hissə 4 real qol vəziyyətini boşa verdik. “Qarabağ” kimi güclü komandaya qarşı oyunda belə göstəricilər az şey demək deyil. Belə davam etsək, təkrar qarşılaşmada nə isə edə bilərik.

Bəs öz oyununla bağlı nə deyərdin. Bir çox real qol epizodlarında komandanı qoldan xilas etdin. Bir səhvi çıxmaq şərti ilə əla durdun. Uzun zamandır əsas heyətdə olmayan bir qapıçı üçün belə bir komanda ilə oyunda pis göstərici deyil. Bəs sən necə düşünürsən?

Bilirsiniz, mən məşqlərimi edirəm. Yəni öz işlərimi davam etdirirəm. Hər an meydana çıxmaq üçün hazıram. Lakin deməzdim ki, öz oyunumdan tam razı qaldım. Etdiyim səhvi özüm bağışlamıram. Yəni bu səhvi etməyə də, bilərdim. Lakin futolda ən məşhur qapıçılar belə belə ani səhvlər edir. Məni üzən oyunun nəticəsinə təsir edən səhv olduğu çox pis edir. Oyun zamanı ani diqqətsizlik oldu. Lakin real qol vəziyyətləri oldu ki, həmin anlarda yaxşı oynadım.

Qarşıda “Zirə” ilə çətin oyun sizi gözləyir. Bu oyunda qələbə şanslarınızı necə dəyərləndirirsən?

“Zirə”nin heyətində xeyli dəyişiklər oldu. Kifayyət qədər yaxşı transferləri olub. “Səbail”lə son oyunlarına da baxdım. Dediklərimi bir də təsdiq edirəm. Hücumları kəsərli olan bir komandadır. Düşünürəm ki, bizi çox çətin oyun gözləyir. Lakin biz də, meydana ancaq qələbə üçün çıxırıq. Baxmayaraq ki, heyətimizdə kifayyət qədər itkilərimiz var. Xeyli sayda xəstə futbolçular var. Ümumilikdə , “Zirə” heyət baxımından bizdən üstün durumdadır. Ancaq inanıram ki, sonda sevinən tərəf biz olacağıq.

Əli HƏYATİ