Tərlan artıq iki turdu ki, “Keşlə” yaxşı nəticələr qazanmağa başlayıb. Bununla bğlı düşüncələrini bilmək istərdim?

Doğurdan da, çox xoş təsir bağışladıq. Baxın bir neçə tur öncəki oyunlarda da, komandamız pis təsir bağışlamamışdı. Bir “Neftçi” ilə oyunda daha çox müdafiə oyununa üstünlük verdik. Hətta “Neftçi” ilə oyunda da belə iki 2-3 real qol imkanı yaratdıq. Çox təəssüflər olsun ki, bunu dəyərləndirə bilmədik. “Qarabağ” və “Sabah”la oyunda tam başqa bir sistemlə oynadıq. Komandamız daha çox əks-hücumlara üstünlük verirdik. Şükürlər olsun ki, necə deyərlər iki oyun yaxşı nəticə qazanmağı bacardıq. Düşünürəm ki, ardı gələcək.

Növbəti oyun necə deyərlər “Keşlə”nin dişinə görə olan “Səbail”lə olacaq. Bu oyunda qələbə şanslarınızı necə dəyərləndirirsən?

Hazırda turnir cədvəlində 4 xalımız var. Bir qələbə bizi daha yuxarı pilləyə qaldıracaq. Düşünürəm ki, rəqiblərin kimliyindən aslı olmayaraq, motivatsiyamızı yüksək tutmalıyıq. “Səbail”lə də, oyun asand olmayacaq. “Qarabağ”la oyundan xal götürə bildiksə, “Səbail”lə oyundan qələbə ilə ayrıla bilərik. Biz bunu bacara bilərik. Lakin bütün futbolçular, bütün komanda gərək bunu istəsin. Bəli. Yüksək istəklə, əzimkarlıqla, çalışqanlıqla çox şeyə nail olmaq olar. İnşəallah qələbə bizimlə olar. Saədəcə, bütün komanda qələbəyə köklənməliyik. Belə olan halda ən güclü rəqibdən belə xal almaq olar.

Tərlan səni “Neftçi”də oynayan vaxtlarından tanıyıram. Çox istedadlı futbolçusan.”Neftçi” ilə çempionluq və ilk dəfə Azərbaycan futbol tarixində Avroliqanın qrup mərhələsinə vəsiqə qazanan futbolçulardan olmusan. Yəni bu təcrübəni yaşamış futbolçusan. Baş məşqçi Sənan Qurbanov sənə çox ehtimad edir. Lakin Tərlan Əhmədovun vaxtında daha çox gününü ehtiyyat skamiyada keçirirdin?

Tərlan Əhmədovun vaxtında ehtiyyatda çox qalmışam. Bilmirəm onda məşqçi nə fikirləşirdi. Lakin Sənan Qurbanov mənə çox ehtimad göstərdi. Belə deyək ki, üzərimdə çox işlədi. Məni qırıb atmadı. Mənə ehtimad göstərdiyi üçün məndə öz üzərimdə daha çox çalışdım. Baş məşqçinin ehtimadını doğrultmağa çalışıram. Şükürlər olsun ki, hər şey qaydasındadır. Açığı deyim ki, Sənan Qurbanovu mən heç belə tanımırdım. Yəni onun rəhbərliyi ltında oynamamışdım. Lakin həm bir gözəl insan, həmdə ki, gözəl bir məşqçi kimi tanıdım.

Tərlan qış transfer pəncərəsi dönəmində iş yerini dəyişmək, ölkə xaricinə çıxmaq istəmirsən. Yəni bununla bağlı təkliflər, planlar varmı?

Açığını deyim ki, ölkə kənarına çıxmaq istəyirəm. Yəni legioner həyatı yaşamaq istəyirəm. Heç olmasa Türkiyə 2-ci Liqasında oynamağı düşünürəm. Bəzi təklifləri nəzərdən keçirmişəm. Bu məsələyə qışda qayıdacağıq. Hələ ki, fikrim, düşüncəm “Keşlə” komandasının yanındadır. Hazırda yalnız “Keşlə”haqqında düşünürəm

Əli HƏYATİ