İngiltərə millisinin hücumçusu Harri Keyn “Bavariya”ya keçidinin onun daha yüksək səviyyəyə çatmasına kömək etdiyini bildirib.

Futbolmedia.az xəbər verir ki, Keyn öz açıqlamasında bunları qeyd edib:

“Bavariya”ya keçid həm karyeram, həm də ailəm üçün çox böyük addım oldu. Özümü sınamaq və daha nələrə qadir olduğumu görmək istəyirdim. Kluba qoşulduğum ilk gündən bizi inanılmaz dərəcədə səmimi qarşıladılar. “Qızıl top”un təqdimetmə mərasimində klubun, məşqçilər heyətinin, baş məşqçinin və komanda yoldaşlarımın dəstəyini hiss etmək xüsusi bir duyğudur. Onlar olmasaydı, “Qızıl top”u qazana bilməzdim.

Mən həmişə özümə inanmışam və müəyyən səviyyəyə çata biləcəyimi bilmişəm. Qarşıma böyük hədəflər qoymağa davam etsəm, xüsusilə də ətrafımdakı futbolçuların səviyyəsini nəzərə alsaq, ən yaxşı keyfiyyətlərimi ortaya çıxara biləcəyimi bilirdim.

“Bavariya” kimi klub daim böyük oyunlarda iştirak edir, titullar qazanır və çoxlu qollar vurur. Belə bir mühitdə əvvəllər məndən gözlənilməyən uğurlara nail ola biləcəyimi anladım. “Bavariya”ya keçid bu baxımdan mənə çox kömək etdi. Komanda və buradakı mühit daha yüksək səviyyəyə çatmağıma şərait yaratdı. Fikrimcə, “Qızıl top”u qazanmağımda məhz “Bavariya” mühüm rol oynadı”.