“Mançester Yunayted”in və İngiltərə millisinin sabiq futbolçusu Rio Ferdinand, argentinalı mütəxəssis Maurisio Poçettinonun “qırmızı şeytanlar”ın baş məşqçisi vəzifəsinə təyin olunması ehtimalını şərh edib.

Futbolmedia.az xəbər verir ki, o, bu barədə özünün “YouTube” kanalında danışıb. Ferdinand hesab edir ki, komandaya futbolçulara özünəinam aşılayacaq mütəxəssis lazımdır:

“Komandaya futbolçulara inam verəcək məşqçi lazımdır. Hazırda “Mançester Yunayted”in bir çox oyunçusu psixoloji cəhətdən sarsılıb. Bütün mümkün namizədlər arasında Poçettino komandanı böhrandan çıxarmaq üçün lazım olan keyfiyyətlərə daha çox sahibdir”.

Poçettinonun İngiltərədə iş təcrübəsi var. O, daha əvvəl “Çelsi”, “Tottenhem” və “Sauthempton” komandalarını çalışdırıb.