"Keşlə" futbol klubunun gənc futbolçusu Bahadur Həziyevin Futbolmedia.Az saytına müsahibəsi.

Bahadur ölkə kubokunun ¼ final mərhələsi çərçivəsində səfərdə “Qarabağ” kimi güclü rəqiblə qarşılaşdınız. Sən də bu, matçda forma geyindin. Oyun bağlı nələr deyərdin?

Sirr deyil ki, “Qarabağ” Azərbaycanın ən güclü klublarından biridir. Elə mən deyərdim ki, birincisidir. Məhz bu üzdən onlarla oyunlar çox çətin keçir. İstənilən rəqibi məğlub etmək gücündədirlər. Dünənki oyunla bağlı deyərdim ki, üstünlük tamamiylə “Qarabağ”da olmadı. Bizim də, kifayyət qədər qol şanslarımız oldu. Bundan başqa baş hakim təmiz penaltimizi vermədi. Sadionun real qol imkanı oldu. Çox təəssüflər olsun ki, boşa verdi. Bəlkə də, belə nəticə olmazdı.

Səncə, “Qarabağ” tam gücü ilə oynadı. Yoxsa?

Düzünü deyim ki, əvvəlki güclü, əzəmətli “Qarabağ”ı görmədik. Ola bilsin ki, yorğunluq var. Toplanışdan yeni qayıdıblar. Bundan başqa yeni transferləri var. Lakin deməzdim ki, çox da zəif çıxış etdilər.

Məğlub olmaya bilərdiniz. Buna nə mane olduğunu düşünürsən?

Oyunun ədalətli nəticəsi heç-heçə olmalı idi. Hətta bizim bir neçə real qol imkanlarımız oldu. Bundan başqa penaltimizi versəydilər, nəticə tamam başqa cür ola bilərdi. Biraz da, bəxtimiz gətirmədi. Lakin hər şey bitməyib. Təkrar qarşılaşmaya çox ciddi hzırlaşmalıyıq.

Təkrar qarşılaşmada öz meydanınızda mərhələ adlamaq şanslarınızı necə dəyərləndirirsən?

İlk oyunu nəzərə alsaq, zədəlilərimiz bərpa olarsa, legionerlərimiz qayıtsa əlbəttə ki, mərhələ adlamaq şansımız var. Bundan başqa bunun üçün meydanda çox çalışmalıyıq. Sona qədər döyüşməliyik. İnşaallah sonda sevinən tərəf biz olarıq.

Bahadur “Qarabağ” kimi güclü rəqiblə oyunda gənc futbolçu olaraq şans oldu ki, meydana çıxdın. Düzdü, az oyasan da, öz oyunundan razı qaldınmı?

Baş məşqçimiz Sənan müəllim mənə inanıb ki, meydana buraxdı. Buna görə baş məşqçimizə təşəkkürümü bildirirəm. Məndə bu qısa zamanda əlimdən gələni etdim ki, komandama kömək olum. İnanıram ki, növbəti oyunlar da, şansım qazanacam.