"Keşlə" klubunun təcrübəli futbolçusu Tural Axundovun Futbolmedia.Az saytına müsahibəsi.

Tural “Qarabağ”la ölkə kubokunda ilk oyunda məğlub oldunuz. Lakin birinci görüşdə çoxları qollu bir matç olacağını düşünürdü. Ümumiyyətlə, oyun və nəticə haqda fikirlərin. Çünki sən təcrübəli bir futbolçu kimi “Qarabağ” kimi çox güclü klublara qarşı oynamısan?

Əlbəttə ki, ilk oyun onu göstərdi ki, “Qarabağ”la ayaqlaşmaq, başa-baş mübarizə aparmaq olar. Bunun üçün meydanda var gücünlə çalışmalısan. Uşaqlar əllərindən gələni etdilər. Hər iki hissədə “Qarabağ”a göz açmağa, rahat topla oynamağa imkan vermədik. Bir neçə real qol imkanlarımız oldu ki, boşa verdik. Hətta təmiz penaltimiz də, vermədilər. Yəni bunları dəyərləndirə bilsəydik, nəticə başqa cür ola bilərdi. İnanıam ki, təkrar qaşılaşmada bu istəyimizi reallaşdıra biləcəyik. Mərhələni keçən tərəf biz olacağıq.

"Qarabağ"la oyunda meydana çıxmadın. Baş məşqçi Sənan müəllim gənclərə güvəndi. Sən ehtiyyat skamiyada qaldın. Səbəbi nədə görürsən. Niyə baş məşqçi sənə ehtimad etmədi?

Düzünü deyim ki, mən bir neçə gün öncə qızdırmam vardı. Lakin oyun gününə kimi sağalmışdım. Mənim də, özümə qaranlıq qaldı meydana çıxmamağım. Düşünürdüm ki, "Qarabağ"la oyunda komandama öz təcrübəmlə kömək etmək istəyirdim. Mən çox belə çətin oyunlar görmüşəm. Lakin Sənan müəllim bizim baş məşqçidir. Onun qərarına hörmətlə yanaşıram. Sənanmüəllim həm isnsan kimi, həm din qardaşım , həm də ki, baş məşqçi kimi hörmət etdiyyim şəxsiyyətlərdəndir. İnanıram ki, növbəti oyunlarda meydana buraxacaq.

Bir neçə gündən sonra premyer- liqada yaranan fasilə rəsmən bitəcək. Növbəti matçınız “Zirə”yə qarşı olacaq. Rəqibin gücünü, oyun üslubuna yaxşı bələdsiniz?

Onalrın kubok oyunlarına da baxdım. Rəqibin gücünüə və oyun üslubuna söz ola bilməz. Çempionatdakı göstərdikləri oyun və nəticələri göz önündədir. Çox çətin rəqibdir. Fikrimcə, bizə asan olmayacaq. Çünki “Zirə”də fasilə amanı heyətini gücləndirdi. Yaxşı təlim-məşq toplanışı keçib. Çalışacağıq ki, rəqibi yaxşı analiz edib ona görə oyunumuzu quraq.

Səncə, “Zirə”nin zəif və güclü tərəfləri hansıdır. Yəni onların daha təhlükəli silahları nıdən ibarətdir?

İlk öncə, deyim ki, “Zirə”nin hücum mövqeyi çox güclüdür. Yəni onların istənilən komandanın müdafiəsini yara biləcək hücumameyilli futbolçuları var. Çox təhlükəli futbolçulardı. Bunu digər komandalarla oyunlarda da görmüşük. Buna görə də, müdafiəmizdə diqqətli olmalıyıq.

Bəs qələbə şanslarınızı necə dəyərləndirərdin?

Belə deyim ki, zədəli futbolçular sıraya dönərsə, kiçik problemlərimiz həll olunarsa, yaxşı nəticə qazana bilərik. İstənilən halda meyda qalib gəlmək üçün çıxacağıq. Biz “Qarabağ”la oyunda da, göstərdik ki, asan təslim olan komanda deyilik. Yəni sonacan vuruşan bir komandayıq.

Əli HƏYATİ