"Sabah" klubunun futbolçusu Amin Sevdiyevin Futbolmedia.az saytına müsahibəsi

Amin ilk öncə, qələbə münasibətiylə təbrik edirəm. Dünən çoxlarının gözləmədiyi halda inamlı qələbə qazandınız. Bununla bağlı nələr deyərdin?

Çox çətin rəqibə qarşı oynayırdın. Əlbəttə ki, mövsümün əvvəlindən uğursuzluqlar oldu. Lakin bu oyunda komanda əsl əzimkarlıq nümaiş etdirdi. Əslində bütün oyunlara qələbə üçün çıxırıq. Lakin bu oyunda qələbəni əldən buraxmaq istəmirdik. Birinci qoldan sonra ardı gəlməyə başldı. Şükür allah bu oyunda istədiyimizi əldə etdik. Layiqli qələbə qazandıq.

Bəs uzun zaman qələbə üzü görməyən bir komandanın “Sumqayıt”ı darmadağınla məğlub edəcəyinizi gözləyirdiniz?

Bu oyunda qələbəyə inamımız çox idi. Ümumiyyətlə, bütün oyunlarda real qol imkanlarımız çox olur. Sadəcə bunları maksimum dəyərləndirə bilmirdik. Açığını deyim ki, belə böyükhesablı qələbəni gözləmirdim. Lakin içimizdə birr hiss vardı ki, meydanı qalib tərk edəcəyik.

Oyunda bir qalmaqallı epizod oldu. Həmin epizod zamanı sən topu qapı xəttindən çıxarmağı bacardın. Məhz elə bundan sonra “Sabah” futbolçularında ruh yüksəkliyi yarandı. Mən deyərdim ki, qələbədə sənin payın az olmadı. Məhz bu epizod qalmaqala səbəb oldu. Səmimi söylə, həmin anda top qapı xəttini keçmişdi?

Düzün deyim ki, top qapı xəttini qəti keçməmişdi. Bizdə qapı arxasında çəkliş olur. Həmin görüntülərdə də, açıq-aydın topun qapı xəttini keçmədiyi görünür. Mən özüm həmin görüntüdən öncə də, bilirdim ki, xətti keçməmişdi. Top həmin anda nə mənim əlimə, nədə ki, qarnıma dəyməyib. Bu gün də buna bir daha əmin oldum.

“Qəbələ” ilə qarşıda çətin oyununuz var var desək yanılmarıq. Bilirsən ki, bu mövsüm “Qəbələ” yaxşı oyun sərgiləyir. Bu oyunla bağlı nə düşünürsən. Şanslarınızı necə dəyərləndirirsən?

Ümumiyyətlə, çempionatda asan rəqib yoxdur. “Qəbələ” isə bu mövsüm sürətli və hücum futboluna üstünlük verir. Yəni yaxşı komanda formalaşıb. Əlbəttə ki, asan oyun olmayacaq. Lakin hazırda komanda da, yüksək ruh yüksəkliyi var. Həm futbolçular, həm də, rəhbərlik heyətində inam böyükdür. Sağ olsun rəhbərlik
ki,komandaya, daim dəstək olur. Hər zaman bizə ruh yüksəkliyi verir. Qələbədən sonra da bizi dəstəklədi. Belə davam etsək, növbəti oyunda da, yaxşı nəticə qazanacağıq.

Əli HƏYATİ