Sənan məllim “Sabah”la oyunda bir çoxları “Keşlə”nin məğlub olacağını düşünürdü. Lakin sizin rəhbərliyiniz altında bütün proqnozlar alt-üst oldu. İki turda inamlı oyun, qazanılan nəticəyə əsas səbəb kimi nəyi göstərərdiniz?

Əlbəttə ki, “Qarabağ”la oyundan sonra futbolçularımız istər – istəməz böyük bir stimul aldı. Həqiqətən də “Qarabağ”la oyunda aldığımız xal uşaqlara yüksək motivatsiya vermişdi. Özünüz də, bilirsiniz ki, “Sabah”ın yaxşı heyəti, baş məşqçisi var. Ona görə də, çox çətin oyun oldu. Bir söz deyim ki, futbol elə bir oyundur ki, 1-2 yaxşı nəticəyə əsasən danışmaq tez olardı. Futbolda belə bir qanunda var ki, sən proqnozları verərsən, 90 dəqiqədə isə bütün gözləntilərin alt-üst ola bilər. Futbol oynanılmasa nəticədən danışmaq düzgün olmaz. Həqiqətən də, qələbəyə ehtiyacımız çox vardı. Şükürlər olsun ki, bunu da qazandıq. Uşaqlar əməlli başlı əziyyət çəkdilər.

Özünüz də bilirsiniz ki, ölkənin ən güclü komandası “Qarabağ”dır. Bunu ölkə yarışlarında, Avrokuboklarda, göstərdiyi nəticələrlə sübut edib. “Bazel” və “Omoniya” kimi komandalardan xal almağı bacardı. Fiziki göstəriciyə görə hazırda “Qarabağ” çox artırıb. Belə bir komandayla oyunda xal almaq hər kluba nəsib olmur. Bütün bu nəticələri nəzərə alsaq “Keşlə”nin artıq “qara zolağ” dan çıxdığını söyləmək olarmı?

Əlbəttə ki, belə bir deyim var. Sözsüz ki, futbolda belə şeylər olur. Lakin futbolda çalışmaq, həftə boyu proaqram üzrə işlər görünür. Hər komanda ilə qazanılan xaldan və ya itirilən xaldan sonra oyunlarımız analiz olunur. Əsas məsələ daha məhsuliyyətli olmaqdır. Futbolçular da bunu yaxşı başa düşür. Çalışacağıq ki, yaxşı günlərimiz daha çox olsun. Bütün uğurlar görülən ciddi işlərin nəticəsi olur. Məndə, bütün komandamız da bunu yaxşı başa düşür.

İki uğurlu turdan sonra klub rəhbəri Zaur Axundov sizinlə, komandayla görüşdümü? Hə uşaqlar başlamışıq, davamını gətirmək lazımdır. Bu kimi həvəsləndirici şüarlar, və ya danışıqlar oldumu. Ümumiyyətlə, Zaur müəllimin buna reaksiyası necə oldu?

Açığını deyim ki, rəhbərlik hər zaman yanımızdadır. Mütləq sürətdə öz dəstəyini daim bizə, komandaya göstərir. Bəli bir yerdəyik, danışırıq. Əlbəttə ki, yaxşı nəticəərdən sonra komandanın daxilindəki ab-hava yüksək olur. Rəhbərlikdə razı qalır. Zaur müəllim daim komandanı diqqətdə saxlayır. Oyunlarımızı diqqətlə izləyir. Hazırda “Sumqayıt”la yoxlama oyununda da, oyunu birbaşa canlı izləyirdi. Ümumiyyətlə, təkcə oyunları izləmir. Həmçinin məşqlərimizi də izləyir. Komandaya bu göstərilən diqqət də, bizə stimul verir. Əlbəttə istənilən rəhbərlik komandasının uğurlu nəticələrini istəyər. İnşəAllah əlimizdən gələni edəcəyik ki, bu uğurların, qələbələrin ardı gəlsin.

Kənardan baxan zaman, meydanda baş verənlərə nəzər saldıqda,elə görünür ki, Sənan Qurbanov çox sərt baş məşqçidir. Belə deyək ki, nizam-intizamı sevən mütəxəssizsiniz. Məsələ, Qurban Qurbanov da bu sıraya daxil etmək olar. Doğurdan nizam-intizama çox önəm verirsiniz?

Əslində işi sevmək lazımdır. İşlərimizə mütləq peşəkar yanaşmaq lazımdır. Ümumiyyətlə, nizam-intizamsız işə yanaşmaq mümkün deyil. Ümumiyyətlə,mən özümə qarşı da, çox məhsuliyyətli adamam. Gecikməyi sevmirəm. Hər işi vaxtında görürəm. Bunu yetirmələrimdən də, tələb edirəm. Məncə, bu yaxşı xüsusiyyətdir. Şükürlər olsun ki, futbolçular da, məni yaxşı başa düşür. Bu yolda mənə dəstəkdirlər. Mənə çatmır ki, nizam-intizam olmasa bu iş necə görülə bilər. Mən nizam –intizamı sevən adamam. Bu amil istər –istəməz hər bir kəsi işinə məhsuliyyətlə yanaşmağı sövq edir.

Sənan müəllim qış transfer dönəmində komandada dəyişikliklər gözlənilirmi, Ümumiyyətlə, rəhbərliklə yeni transferlərin lazım olması ilə bağlı danışıqlar olubmu. İstənilən halda komandalar güclənməlidir. Belə götürəndə, “Keşlə”də avrokuboklarda çıxış edən komanda olub. Buna hər zaman iddialı olub. Bununla bağlı nələr deyə bilərsiniz?

Futbol elə bir oyundur ki, ya yaxşıya doğru dəyişir. Yada ki, pisə doğru gedir. Əlbəttə ki, biz qış transfer pəncərəsi dönəmində bunlara fikir verməliyik. Hansı mövqelərin güclənməsinə ehtiyyac varsa, ora transferlər edə bilərk. Futbolçularımızın çıxışlarından da çox şey aslı olacaq. Hansı futbolçular bizim komandad rəqabətə tab gətirə biləcəmi? Yəni bunlar çox önəmlidir. Bütün bu suallara qışa qədər aydınlıq gələcək. Həmin dönəmdə artıq biləcəyik ki, kimlərlə sağollaşmalı, kimlərlə isə davam etməliyik.

Əli HƏYATİ