Bu mövsüm bir çox klubların uğursuz startları oldu. Hətta “Sabah”, “Keşlə”, “Səbail” klublarının oyunları da ürəkaçan deyil. Lakin bu üç klubdan fərqli olaraq”Keşlə”nin durumu ürək ağrıdırdı. Baxırsan ki, komandanın baş məşqçisi Sənan Qurbanov kifayyət qədər təcrübəsi olan bir məşqçidir. “Keşlə”nin heyətində çoxlu sayda təcrübəli və istedadlı yerli futbolçular var. Lakin çempionatda uğursuzluq davam edirdi. Məğlub olduğu bütün oyunlarda “Sənan Qurbanovun yetirmələri pis təsir bağışlamırdılar. Hətta qələbə qazanmaq üçün kifayyət qədər imkanları olurdu. Lakin bəxtmi deyim, son nöqtəni qoymaq çatışmırdı. Yəni sonluöu gətirə bilmirdilər. Anacaq Premyer Liqanın 5-ci turu “Qarabağ”la oyunda “Keşlə”nin uğursuzluğuna son qoyuldu. Hər şey dəyişdi. Çoxları “Keşlə”ni uğursuzluğa görə tənqid edirdilər. Lakin “Qarabağ”la, “Sabah”la oyundan sonra fikirlər dəyişdi. Dünən isə Sənan Qurbanov və komandası çətin “Səbail” səfərindən üzüağ çıxdı. Matç boyu oyundakı sürətli temp aşağı düşmədi. Saki “Keşlə”nin futbolçularına yeni nəfəs, yeni güc gəlmişdi. Həqiqətən komandada yüksək motivatsiya, qələbə əzmi, istək açıq-aydın görünürdü. Məsələnən yaxşı mənada ən qabarıq görünən hissəsi isə baş məşqçi işi idi. Sənan Qurbanov gözəl taktiki gedişat və sistemə üstünlük vermişdi. Oyun boyu futbolçularını meydanda yerlərini dəyişəsi, irəli atılması üçün çox can-fəşanlıq etdi. Hiss olunur ki, Sənan Qurbanov Premyer Liqanın ilk turlarındakı uğursuzluqlardan yüksək nəticə çıxardıb. Komandasının çatışmayan cəhətləri üzərində çox işləyib. Baş məşqçinin komandada gördüyü iş açıq-aydın görünür. Düşünürəm ki, bu tempdə davam etsələr qış fasiləsinə qədər yüksək pillələrdə qərarlaşacaqlar. Bundan başqa Sənan qurbanovu “Keşlə”nin yatmış Aslanı adlandırardım. Yuxudan ayılan ac Aslan.

Əli HƏYATİ