Son zamanlar Dino Ndlovu və“Apoel”in futbolçusu Qayas Zahidinin “Qarabağ” klubuna keçəcəyi ilə bağlı şaiələr dolaşmaqdadır. Bütün bunlara aydınlıq gətirmək üçün “Qarabağ” klubunun mətbuat xidmətinin rəhbəri Gündüz Abbaszadə ilə əlaqə saxladıq. Futbolmedia.az -ın suallarını cavablandıran G. Abbaszadə bunları söyləyib.

“Qarabağ”ın sabiq legioneri Dino Ndlovunun yenidən komandanıza qayıdacağı, hazırda onunla danışıq aparıldığı deyilir.Belə məsələ varmı?

Dino Ndlovunun yenidən “Qarabağ”la danışıq aparması yalnız şaiədir. Açığını deyim ki, hazırda bununla bağlı məsələ yoxdur. Yəni bu məsələ gündəmdə deyil.

Yunanıstan mətbuatında “Apoel”in və Norveç millisinin hücuma meyilli yarımmüdafiəçisi Qayas Zahidinin “Qarabağ”la danışıq apardığı yazılmışdı. Onunla bir çox klublar hətta “Qalatasaray”ın da maraqlandığı deyilirdi. “Qarabağa” klubu olaraq Qayas Zahidi ilə danışıq aparmısınız?

Ümumiyyətlə, biz “Qarabağ” klubuna bir neçə futbolçu təklif olunub. Lakin həmin futbolçular mütləq transfer olunacaq demək deyil. Açığını deyim ki, danışıqlarımız gedir. Hazırda bir tranferimiz olub. Bu futbolçu Yuri Borqes Malinovskidir. Danışıq apardığımız futbolçularla razılıq əldə olunarsa, bunu açıqlayacağıq. Ümumiyyətlə bir mövqeyə iki futbolçu transfer etməyi düşünmürük. Çünki həmin mövqelərimiz üçün laızmı futbolçular var.

Deyilənə görə Filip Ozobiçlə hələ tam razılıq əldə olunmayıb. Buna səbəb kimi onun klubdan daha yüksək əmək haqqı tələb etməsidir. Bu doğru məlimatdır?

Sizə deyim ki, Ozobiç hazırda komanda ilə birlikdə məşq edir. Müqavilə məsələsinə gəlincə isə bunu rəsmləşdirdikdən sonra içtimaətə məlumat veriləcək.

Bu yaxınlarda yeni futbolçuların, legionerlərin transferləri gözlənilirmi?

Əlbəttə ki, transferlərimiz olacaq. Lakin tam rəsmləşdikdən sonra bunu açıqlaya biləcəyik.

Əli HƏYATİ