"Keşlə" klubunun futbolçusu Nicat Qurbanovun Futbolmedia.az saytına müsahibəsi.

Nicat “Keşlə” qəəbələr və xallar qazanaraq uğursuz seriyanı geridə qoydu. Artıq komandanızın öz oyununu tapdığını söyləmək olarmı?

Deyərdim ki, ilk turlar komandamız üçün çox ağır keçdi. Bu uğursuzluqlar istər-istəməz komandaya, hər bir futbolçuya təsir etdi. Ortamda bir gərginlik vardı. Lakin komanda özündə bir güc tapmağı bacardı. “Qarabağ”la oyundan sonra komanda sanki ayıldı. Bir söz deyim ki, istək çox şey həll edir. Psixoloji durumumuzu müsbət tərəfə dəyişə bildik.

Növbəti oyununuz “Qəbələ”yə qarşı olcaq. Mövsüm “Qəbələ”nin daha yaxşı başladığı göz önündədir. Hazırda komanda yüksək pillələrdə qərarlaşıb. Bu görüşdən ən azı bir xala ümüd etmək olarmı?

“Qəbələ” bu mövsüm çox yaxşı təsir bağışlayır. Heyətində pis futbolçuları yoxdur. Həm yerli, həm də legionerləri çox ağılla seçilmişdir. Komandalarına çox kömək edirlər. Sözün düzü, belə bir startı “Qəbələ”dən gözləmirdim. Bir sözlə, “Qəbələ”yə zəif rəqib kimi qəti baxmaq olmaz. Lakin məğlub edilməz komanda yoxdur. “Keşlə”də meydana qələbə üçün çıxacaq. Hər oyuna yaxşı nəticə üçün çıxırıq. İnşəallah bu oyundan da, yaxşı nəticə ilə ayrılarıq. Ən azından istədiyimiz nəticəni qazanarıq.

Nicat uzun müddətdir ki, “Keşlə”nin ehtiyyat skamiyasında qərarlaşmısan. Əsas heyətdə lmamağının səbəbi nədir?

Açığı bu sual mənim özümü də, çox düşündürür. Yəni bu məsələ mənim özümün də, çox yaralı yerimdir. Mövsüm başlayandan əsas heyətdə oynamaq şansı qazanmamışam. Bir futbolçu kimi bu amil məni çox dəhşət dərəcədə narahat edir. Məşqlərdə də, əlimdən gələni edirəm ki, əsas heyətdə oynamağa şans qazanım. Mövsümdən öncə “Keşlə” ilə yollarımı ayırmaq isəyirdim. Lakin elə oldu ki, komandada qalası oldum.

Ümumiyyətlə, oynanamağınla bağlı baş məşqçi Sənan Qurbanovla söhbət etmisənmi?

Düzünü deyim ki, bununla bağlı baş məşqçi ilə danışığımız olmayıb. Mən artıq neçə illərdi futbol oynayıram. Kifayyət qədər təcrebəm var. Düşünürəm ki, Sənan müəllim o şeyləri bilir. Məşqlərdə də, çox aktivəm. Bir futbolçu kimi oyunlara kənardan baxmaq çox pis təsir edir. Əlbəttə ki, komandanın uğurlarına çox sevinirəm. İnşəallah qələbələrimizin ardı gələr. Ümüd edirəm ki, mövsümün sonuna qədər kifayyət qədər meydana çıxıb, komandama kömək olaram. İnşəallah yaxın zamanda, yaxın günlərdə meydana çıxacağıma inanıram.

“Keşlə” ilə müqavilənin müddəti nə vaxt başa çatır?

Klubla olan müqaviləmin müddəti mövsümün sonuna qədərdi.

Qışa fasiləsinə çox az qalıb. Yerli və ya, əcnəbi klublardan təkliflər varmı?

Bunun haqqında danışmaq hələ tezdir. Adətən təkliflər Noyabır ayının ortalarında gəlir. Lakin hələ bir təklif gəlməyib. Əgər əsas heyətdə oynasam, yerimi möhkəmlətsəm, təkliflər yaxşı olsa , “Keşlə”də də qala bilərəm.

Əli HƏYATİ