"Keşlə" klubunun futbolçusu Tural Axundovun Futbolmedia.az saytına müsahibəsi.

Tural artıq neçə turdu ki, məğlubiyyət tanımırsınız. “Qarabağ”dan və digər rəqiblərinizdən xal almağı bacardınız?

Belə deyim ki, komanda “qara zolağ”a düşmüşdü. Nəin bahasına olursa-olsun bu uğursuzluqdan çıxmalıydıq. Demək olar ki, artıq komanda bş məşqçi Sənan Qurbanovun rəhbərliyi altında öz oyununu tapıb. Bilirsiniz ki, komanda da, bir çox dəyişikliklər olmuşdu. Yəni yeni futbolçular gəlmişdi. “Qarabağ”la oyundan sonra motivatsiyamız çox yüksəldi.

“Səbail” oyunda da, yüksək performans göstərdiniz. Matç haqqında nələr deyərdin?

“Səbail”lə oyunda komandamız çox istəkli oynadı. Mən deyərdim ki, matçın sonuna kimi sürətli və yüksək temp düşmədi. Bir çox oyunlarda real qol şanslarımız olur. Lakin çoxusunu dəyərləndirə bilmirdik. Şükürlər olsun ki,”Səbail”lə oyunda real qol imkanlarını maksimum dəyərləndirə bildik.

“Səbail”lə səfər oyununda üç xal qazanacağınızı gözləyirdiniz. Yoxsa ən azı bir xala ümüd edirdiniz?

Açığını deyim ki, komanda yoldaşlarımla da bu barədə danışmışıq. Bütün komanda səfərdən üç xalla dönə biləcəyimizə inanırdı. Baxmayaraq ki, “Səbail” evdə yaxşı
oynayır. Bundan başqa qonaq komandanın meydançasında oynamaq ürək açan deyil. Meydança amili də, öz sözünü deyir. Təsəvvür edin ki, uşaqlar nə butsusu geyinib meydançaya çıxmağını bilmirdi. Yəni meydança bərbad vəziyyətdə idi. Lakin uğurlu oyunlar seriyasının ardıcılığını gətirmək istəyirdik. Şükürlər olsun ki, bunu bacardıq.

Turan meydanda ən yaxşılarından biri də sən oldun.Yəni komandanın qələbəsində pay sahiblərindən birisən. Neçə tur idi ki, oynamırdın. Öz oyununu necə dəyərləndirərdin?

“Neftçi" ilə oyunda ayağımdan zədə almışdım. Ayaq sümüyümdə çat əmələ gəlmişdi. Ayağımı yerə basa bilmirdim. Lakin şükürlər olsun və sağ olsun komandanın həkimləri ,rəhbərliyi tez bir zamanda sağalmağım üçün çalışdı. Buna görə bir müddət oynaya bilmədim. Oyunumda mə bilən psi alınmadı. Nəzərə alaq ki, bir müddət oynaya bilmədim. Komandamın qələbəsində pay sahibi olduğum üçün çox sevinirəm.

“Keşlə”lə ilə müqaviləin müddəti nə vaxt başa çatır. Ümumiyyətlə, təkliflərin varmı?

Keşlə” ilə müqaviləm bir illikdir. Düzünü deyim ki, heç bir təklif almamışam. Bundan başqa hazırda bütün fikrim “Keşlə”nin yanındadır. Yəni başqa şey haqqında hələ düşünmürəm.