Şakir ilk olaraq, “Sabah”ın ilk və böyükhesablı qələbəsi haqqında danışmağını istərdim. Necə deyərlər,“qara zolağ”dan çıxdığınızı söləmək olarmı?

İnanın ki, komanda olaraq çox sevinirik. Bu qələbə bizim üçün, komanda və rəhbərlik üçün çox vacib idi. Dünən uşaqlar möhtəşəm oynadılar. İnanın ki, bütün oyunlara bu qələbə əzmi ilə çıxırıq. Sadəcə, son nöqtəni qoya bilmirdik. Şükürlər olsun ki, bunu bacardıq.

Ümumiyyətlə, qələbənizin hazırda yaxşı durumda olan ”Sumqayıt”a qarşı belə parlaq olacağını gözləyirdinizmi?

Bilirsiniz, “Sabah”ın heyətndə kifayyət qədər güclü futbolçular var. Çox təəssüflər olsun ki, mən bir neçə turdu komandama kömək edə bilmirəm. Biz istənilən komandaya qarşı güclü müqavimət göstərməyi bacarırıq. Elə “Qarabağ”la oyunda da, möhtəşəm oynadıq. Dünən də, təmiz və inamlı qələbə qazandıq. Belə olacağına da, çox inanırdıq.

Növbəti oyun güclü “Qəbələ”yə qarşı olacaq. Bu oyundan nə gözləyirsən. Səncə “Sabah” bu qələbənin ardını gətirə biləcəkmi?

“Sumqayıt üzərində qələbə komandamızın ruh yüksəkliyini artırıb. Hazırda uşaqlarda özünəinam artıb. Düşünürəm ki, bundan sonra daha da, məhsuliyyətli olacaqlar. Meydanda da çox mübarizə və əzimkarlıq göstərəcəklər. “Qəbələ” bu mövsüm uğurlu start edib. Lakin rəqibin kimliyindən aslı olamayaraq, meydana qələbə üçün çıxacağıq. Bütün komanda və rəhbərlik də, bizi daim dəstək olur. Bizə də, meydanda qələbə qazanmaq düşür.

Şakir hazırda oyunları və məşqləri zədə səbəbindən buraxırsan. Hazırki durumun necədir?

Hazırda zədəmin müalicəsini davam etdirirəm. Bir ay iyirmi gündür ki, zədəliyəm. Şükürlər olsun ki, müalicə prosesi yaxşı gedir.

Həkimlər nə qədər yaşıl meydanlardan uzaq qalacağını deyib?

Millinin heyətində Avstriyaya qarşı oyunda zədələnmişdim. Həkimlər iki ay oynaya bilməyəcəyimi demişdilər. Bir ay iyirmi gündür ki, Müalicə olunuram. İnşəallah yaxın zamanda təxminən bir həftəyə məşqlərə başlaya bilərəm. Çalışacam ki, tez bir zamanda komandaya qoşulum. Əsas məsələ komandama kömək etməkdir.

Əli HƏYATİ