"Kəpəz" klubunun kapitanı Tural Axundovun Futbolmedia.Az saytına müsahibəsi.

Tural Azərbaycan premyer liqasının növbəti turunda Gəncədə “Zirə”ni qəbul etdiniz. Qələbəyə layiq oynasanız da, hakim haqsızlığı sizi qələbədən etdi. Hakimlə bağlı bir qədər sonra danışarıq. İndi isə oyun haqqında kapitan olaraq fikirlərini bildirərdin?

Çox çətin bir qarşılaşma oldu. Lakin oyunun sonuna qədər üstün tərəf biz olduq. Gördünüz ki, oyundan qalib ayrılmaq bizim haqqımız idi. Düzdü, matç ərzində xeyli sayda real qol imkanlarımız oldu. Bunlardan yalnız birini dəyərləndirə bildik. Özümüzdə də, günah var ki, ələ düşüən fürsəti qaçırmaq olmaz. Lakin hər kəs gördü ki, “Zirə” klubu bizə qarşı oyunda heçnə ilə yadda qalmadı. Yəni real qol vəziyyəti olmadı. Bir penalti məsləsi olmasaydı, meydanı qalib tərk edən tərəf biz olacaqdıq. Çox təssüflər olsun ki, qapımıza haqsız penalti verilib, qələbəmizi əlimizdən aldılar.

Penalti məsələsinə gəlincə, niyə sizə qarşı hakim haqsızlıqları həddən artıq çox olur. Nədir bu hakimlərin sizə verib –ala bilmədikləri. Milyonlarla insanlar da, gördülər ki, həmin epizod zamanı penaltidən söhbət belə gedə bilməzdi. Rəhim Sadıxovun ayağı boşa çıxıb, ota girdiyi üçün yıxıldı. Bəs sən nə deyərdin Tural?

Bunu siz, mən, azarkeşlər deyil, milyonlarla insanlar, jurnalistlər də, gördü ki, orada penaltidən söhbət belə gedə bilməz. Biz bu hakimlərdən çox zərbələr alırıq. Mövsüm ərzində artıq bizə neçənci dəfədir ki, belə haqzızlıq edirlər. Mən bilmirəm VAR sistemi bizə çatanda niyə işləmir. VAR sistemi nə iş yarayr. Hakim həmin epizodu dəqiq dəyərləndirmək üçün mütləq VAR-a baxmalı idi. Lakin bilərəkdən baxılmadığını düşünürəm. Qapımıza verilən penalti obsurd qərar idi. Bizi çox sıxırlar. Hakimlər nədənsə bizim qapımıza tərədüd etmədən penalti verirlər. Hələ sarı, qırmızı vərəqələrdən danışmıram. Hakim bizim oyunçulara hər epizoda görə az qala sarı vərəqə verir. Belə haqsızlıq olmaz. Bölgə futbolunu uçuruma aparırlar.

Qarşıdan “Neftçi” ilə gərgin oyun gəlir. Səndə vaxtı ilə “Neftçi”də iki il oynamısan. Bu matç haqqında nə düşnürsən?

Mən “Nefçi”də iki il top qovmuşam. Bilirəm bu komanda nələrə qadirdi. Böyük bir kludur. Heyətində kifayyət qədər səviyyəli futbolçular var. Bilirəm ki, “Neftçi”də ab –hava necədir. Lakin səfərdəki oyunda çox diqqətli və ehtiyyatlı olmalıyıq. Biz Bakıya xal qazanmaq üçün yollanırıq. Meydanda sona qədər döyüşməli, mütləq qalib gəlməliyik. Ən pis halda meydandan xalla ayrılmağı düşnürük.

Əli HƏYATİ