Tovuzda ölkənin ən güclü klublarından biri “Neftçi” ilə qarşılaşdınız. Başa –baş mübarizə aparsanız da, sonda minimal hesabla məğlub oldunuz. Matç haqqında təsüratların?

“Neftçi” ilə oyunun ağır keçəcəyini əvvəlcədən bilirdik. Çünki rəqib komanda neçə tur idi məğlub olurdu. Bizim də, xala böyük ehtiyyacımız vardı. Buna görə də, gərgin bir qarşılaşma olacağını təxmin edirdik. Bu oyunda ən azı xalla ayrılmağı düşünürdük. Ən pis halda bir xal. Əslin, oyun ərzində bizim real qol epizodlarımız çox oldu. Rəqib komandanın penaltidən başqa demək olar ki, real qol epizodu olmadı. Bu oyunun ən yaxşısı biz idik. Yəni daha üstün futbol oynadıq. Çox təssüflər olsun ki, bəxtimiz gətirmədi. Ən əsası isə qapımıza verilən penalti qərarı ilə məğlub olduq.Bu oyunda qələbə qazana bilərdik. Çünki üstün tərəf biz olduq. Qələbəyə layiq oynadıq.

Penalti demişkən, hakimin bu qərarı ilə razısınızmı. Yəni səncə penalti vardımı?

Bu epizod zamanı top komanda yoldaşımın əlini tapdı. Yəni topa bilərəkdən əllə toxunmadı. Künc mövqeyindən rəqib topu son anda xəttin üstündən çıxardı zərbə komanda yoldaşımın əlini tapdı. Əslin, hakim topu xətti keçib –keçməməyinə baxırdı. Lakin hər halda hakimin qərarı doğru idi.

“Turan Tovuz” komandasının müdafiəsi həm “Neftçi” ilə, həm də, digər bir çox oyunlarda möhtəşəm çıxış edir. Yəni sanki müdafiəniz beton səddir. Bir müdafiəçi olaraq da, sənin bunda əməyin çox böyükdür. Bir çox oyunlarını bir jurnalis olaraq analiz etmişik, çox inamlı, əla təsir bağışlayırsan. Oyunlarda demək olar ki, çox nadir hallarda səhv edirsən. Bəs sən necə öz oyunundan razı qalmısan?

Həqiqətən də, müdafiəmiz çox yaxşı təsir bağışlayır. Bütün oyunlarda çalışırıq ki, rəqibə qol epizodu imkanı verməyək. Müasir futbolda təkcə 4-5-li müdafiə xəttindən ibarət olmur. Yəni, klubun müdafiəsi də, onun hücumundan başlayır. Hər şey öndən başlayır. Bir sözlə, komanda şəklində olmalıdır. “Neftçi” ilə oyunda da, səhvsiz oynadım. Ümumiyyətlə, müdafiəmiz səhvsiz oynadı. Bir penlti epizodunu çıxmaq şərti ilə hər şey yaxşı idi. Öz oyunumdan da, narazı qalmadım. Lakin daha yaxşı oynaya bilərəm. Çalışıram ki, hər dəfə daha yaxşı performans göstərim. Hər zaman öz üzərimdə çalışıram. Əslində öz oyunumdan heç vaxt tam razı qalmamışam. Hətta qalib gəlsək belə.

Ölkə kubokunda evdə “Kəpəz”ə təkrar qarşılaşma olacaq. İndidən çox maraqlı, gərgin keçəcəyini təxmin etmək olar. Bu kubok oyununda mərhələ adlamaq şansınızı necə görürsən?

Çox çətin oyun olacaq. Həm itkilərimiz var. Bundan başqa zədəli futbolçularımız, kart limitini keçmiş oyunçularımız var. Bütün bunları nəzərə alsaq, asan olmnayacaq. “Kəpəz”də son turlarda yaxşı təsir bağışlayır. Gəncədəki oyunu , qələbəni unutmaq lazımdır. Çünki “Kəpəz” də, evdə uduzduğu üçün irəli atılacaq. Yəni va Banka gedəcək. Son şansını axtaracaq. Biz də mərhələ adlamaq üçün sona qədər vuruşacağıq. İnanıram ki, sonda sevinən tərəf biz olacağıq.

Əli HƏYATİ