"Kəpəz"in kapitanı Tural Axundovun Futbolmedia.Az saytına müsahibəsi.

Tural Azərbaycan kubokunda daha bir qərb derbisi izlədik. Çox maraqlı, gərgin, bol qollu bir matç keçdi. Hesanda iki top geridə olsanız da, fasilədən sonra iki qol vuraraq, hesabı bərabərləşdirdiniz. “Kəpəz”in kapitanı olaraq, bu qarşılaşma haqqında nələr deyərdin?

Bu oyuna da, çox ciddi hazırlaşmışdıq. Sadəcə, buraxdığımız səhvlər bizə baha başa gəldi.Hesabda geri olsaq da, qollar vuraraq, geri dönüş edə bildik. Bundan başqa real qol imkanlarımız da, oldu ki, bundan istifadə edə bilmədik.

Fasilədə baş məşqçi Tərlan Əhmədov komandaya nələr dedi ki, meydana çıxandan sonra qollar vurmağı bacardınız. Yəni tam başqa bir “Kəpəz” gördük?

Baş məşqçimiz Tərlan müəllim bizə səbirli olmağı tövsiyyə etdi. Bundan başqa xüsusi taktiki tapşırıqlar verdi. Məhz bundan sonra komanda oyununda irəliləyiş oldu. Yəni özümüzə inam artdı. Çox həyacalı idik. Bu oyunun qalibi biz olmalı idik. Bütün baş verənlər göz qarşısında idi. Həm də,penaltimizi vermədilər.

Penalti məsələsi çox qalmaqala səbəb oldu. Bəs sən bir təcrübəli futbolçu kimi necə düşünürsən. Penalti idi?

Əlbəttə ki, 100 faiz penalti təyin edilməli idi. Rəqib oyunçu birinci ayağı topa oynasa da,ikinci ayağı futbolçuya ünvanlanmışdı. Yəni ikinci ayağı təhlükəlidir. Gərək futbolçumuzun ayağı sınardı, başı qopardı ki, hakim penalti təyin etsin? Burada bizə haqsızlıq olduğunu deyərdim. Əgər hakim VAR-a baxmağa gedirsə, VAR-da oturan hakimlər briqadası baş hakimi manitora dəvət edirsə, demək ki, 70-80 faiz penalti var. Çox təəssüflər olsun ki, penaltimizi vermədilər. Yəni Gəncənin kubokda növbəti mərhələyə keçmək haqqı yeyildi.

Oyun başa çatandan dərhal sonra futbolçular arasında qalmaqal baş verdi. Sən də, həmin vaxtı futbolçuları ayırmağa qaçdın. Nə baş vermişdi?

Məncə, futbolçular arasında bir anlaşılmamazlıq oldu. Bildiyimə görə, futbolçular bir –birinə söyünc ediblər. Məhz bundan sonra ara qarışıb. Məncə bir kapitan olaraq aranı sakitləşdirmək istədim. Lakin azarkeşlərin stadiona girməsi, futbolçulara söyüşlə təzyiq etməsi, “Turan Tovuz”un mühavizəsi belə futbolçulara təhqiredici sözlər deyirdilər. Mən başa düşə bilmirəm ki, mühafizəçi kimdir ki, gəlib futbolçu ilə dalaşsın, təhqir etsin. Bütün bunlara diqqə etmək laızmdır. Bütün bunlar Azərbaycan futboluna ləkə gətirən bir şeylərdi.

Növbəti oyunda “Zirə”yə qarşı oynayacaqsınız. Bu oyundan nə gözləyirsən. Səncə, ən azından bir xal belə qazanamaq olarmı?

“Zirə” çox yaxşı komandadır. Lakin bizim də, mütləq qalib gəlməyimiz lazımdır. Əlimizdən gələni edəcəyik ki, qalib gələk. Lakin ən pis halda belə meydandan xalla ayrılmaq istəyirik. İlin son oyununda fasiləyə xalla getmək sitəyirik.

Əli HƏYATİ