"Barselona"nın müdafiəçisi Ektor Fort La Liqada klubunu dəyişəcək.

Futbolmedia.az xəbər verir ki, "Real Sosyedad" ispaniyalı futbolçunu transfer edəcək. Bu barədə insayder Fabritsio Romano məlumat yayıb.

"Real Sosyedad" Fort üçün 8 milyon avro təzminat ödəyəcək. Kataloniya təmsilçisi 20 yaşlı sağ cinah müdafiəçisinin növbəti satışından 50 faiz pay əldə edəcək.

Qeyd edək ki, Ektor Fort "Barselona"nın yetirməsidir. İspaniya U-20 millisinin üzvü 2025/26 mövsümündə icarə əsasında "Elçe"də çıxış edib. Gənc oyunçu La Liqa təmsilçisinin heyətində meydana çıxdığı 17 rəsmi matçda 3 qol və 2 məhsuldar ötürmə ilə yadda qalıb.