"Kəpəz" klubunun kapitanı Tural Axundovun Futbolmedia.Az saytına müsahibəsi.

Tural Gəncədə “Qarabağ”la möhtəşəm bir oyun izlədik. Çoxsaylı azarkeşlər önündə keçən matçda qollar izlədik. Bu oyunda “Kəpəz” klubu olaraq qələbəyə bərabər bir xal qazandınız. Komandanın kapitanı olaraq bu uğurlu nəticədən danışmağını istərdim?

Əlbəttə ki, “Qarabağ” kimi komanda ilə oyun oynamaq çox xoşdur. Bu klubun adı hamımız üçün əzizdir. Rəqib komanda Avropa turnirlərində illərlə qrup mərhələsində oynamış klubdur. Gəncədə doğma meydanda öz azarkeşlərimiz önündə oynayırdıq. Çox çətin bir qarşılaşma keçdi. Azərkeşlərə təşəkkür edirəm. Çox yaxşı və sona qədər dəstək oldular. Bu qazandığımız bir xal, üç xala bərabərdi. Buna görə də, çox sevinirik. Bu oyunda qalib də gəlmək olardı. Hətta uduza da, bilərdik.

Belə oyun və belə nəticəni gözləyirdinizmi. Yoxsa?

Əlbəttə ki, Tərlan Əhmədovun gəlişindən sonra bu nəticəni tək biz deyil, bütün rəqiblərimiz gözləyə bilir. Yəni yeni baş məşqçinin gəlişindən sonra “Kəpəz”də oyun sistemi, oyun üslubu dəyişdi. Biz istənilən rəqib üçün təhlükəli komandaya çevrildik. Hazırki durumda istənilən rəqibdən, özü də, evdə xal ala bilərik. “Səbail”lə oyunda səfərdə belə qalibiyyətə layiq biz idik. Yəni "Qarabağ" komandasından xal alacağımızı gözləyirdik. Buna çox İnanırdıq.

Növbəti turda “Turan Tovuz”la bir qərb derbisi var. Səfərdə bu oyundan üç xalla dönmək şanslarınızı necə dəyərləndirirsən. Səncə Tovuzdan üç xalla və ya, xalla dönə biləcəksinizmi?

Üzərimizdə çox baskı hiss edirik. “Turan Tovuz”la kubok oyununda hakimlər tərəfindən bizə çox haqsızlıq edildi. Bəlkə də, indi yarımfinalda biz ola bilərdik. Tovuz səfəri çox çətin keçir. Hər iki bölgənin böyük azarkeş kütləsi var. Oyunlar anşlaqla, çox maraqlı keçir. Lakin biz səfərə uduzmağa deyil, xalla dönməyə, qələbə qazanmaq üçün gedəcəyik. İnanıram ki, sonra qazanan tərəf biz olarıq. Əgər baş məşqçimizin tpşırıqlarının ən azı 70-80 faizini yerinə yetirə bilsək, Tovuzdan qələbə ilə dönə bilərik.

Əli HƏYATİ