"Kəpəz" klubunun kapitanı Tural Axundovun Futbolmedia.Az saytına müsahibəsi.

Tural Gəncədə "Sabah"la bol qollu möhtəşəm bir matç izlədik. Hətta hesabda irəli oldunuz. Lakin son dəqiqələrdə qələbəni əldən verdiniz. Bu maraqlı oyun haqqında komandanın kapitanı kimi nələr deyərdin?

Həqiqətən də, çox maraqlı oyun keçdi. Bu oyunda hər şey vardı. Bol qollu oyunda azarkeşlər maraqlı bir qarşılaşma izlədiyini deyə bilərəm. Mat ərzində çoxlu sayda real qol imkanlarımız oldu. Bunlardan ikisini vura bildik. Mən deyərdim ki, hətta qələbəyə layiq idik. Lakin son anda şansımızı qaçırdıq. Ancaq bu oyunda qazandığımız heç -heçə qələbəyə bərabərdir. Çünki "Sabah" "Qarabağ"la çempionluq uğrunda başa -baş mübarizə aparan, güclü legionerləri olan klubdur.

İkinci qolu qapınızdan buraxmağınızı nə ilə əlaqələndirərdin. Ola bilərmi ki, çox yorulmuşdunuz?

Mən demzdim ki, bu qolu sırf yorğunçuluqdan buraxdıq. Əlbəttə ki, çox dinamik və hücum şəraitində keçən bir matç oldu. İstər -istəməz futbolçular da, yorulur. Lakin bizdə belə bir xəstəlik yaranıb ki, vurduğumuz qollardan sonra komandada sanki bir arxayınlıq yaranır. Bundan sonra qollar buraxırıq. Düşünürəm ki, zamanla hər şey qaydasına düşəcək. Bizim üçün çox önğmli bir xal qazandıq. İndi bütün diqqətimiz "Turan Tovuz"la səfərdəki kubok oyununa yönəlib.

Tural yaşına baxmayaraq 90 dəqiqə oynadın. Gənc futbolçulardan heç də, geri qalmadın. Bir çox oyunlarda da, belə olub. Bəs öz oyunundan necə razı qaldınmı?

Əlimdən gələni etdim ki, komandam yaxşı nəticə qazansın. Bütün oyunlarda var gücümü ortaya qoyuram. Məncə də, pis oynamadım. Lakin əsas hədəfimiz kubok oyunudur. Mərhələni keçə bilsək, bax onda razı qalaram.

Kubok demişkən, "Turan "Tovuz"la səfərdə sizi ağır oyun gözləyir. Mərhələ keçmək şanslarınızı necə dəyərləndirirsən?

Çox çətin və ağır oyunlardan biri olacaq. Böyük azarkeş kütləsinin qarşısında oynayacağıq. Lkain biz səfərə qalib gəlib, mərhələ keçmək üçün yollanacağıq. Əlimizdən gələni edəcəyik ki, sonda sevinən tərəf biz olaq.

Əli HƏYATİ