Turan Tovuz" klubunun futbolçusu Tərlan Quliyevin Futbolmedia.Az saytına müsahibəsi.


Tərlan “Turan Tovuz”la Türkiyədə təlim –məşq toplanışına qatıldın. Bir neçə yoldaşlıq oyunu keçirdiniz. Klubun aparıcı üzvü kimi Türkiyə toplanışını dəyərləndirərdin?

Çox yaxşı təlim –məşq toplanışı keçdik. Şükürlər olsun ki, ən əsası xətasız, bəlasız, zədəsiz başa vurduq. Bir nəfər komanda yoldaşımız Cavid Tağıyev istinasız. Yəni onun biraz zədəsi oldu. Ümumi götürəndə, məşqlər, yoldaşlıq oyunları çox faydalı oldu. Bu klublar və futbolçular üçün çox önəmlidir. Mən neçə illərdi ki, digər klublarda bu toplanışa yollanmırdım. Bilirsiniz ki, ilk çempionat oyunumuz “Qarabağ”a qarşı olacaq. Çox güclü və çətin qarşılaşma olacaq. Buna görə də, yaxşı hazırlaşmaq lazım idi. Çempionata tam şəkildə hazır olmaq lazım idi. Gün ərzində iki məşqimiz olurdu. Düşünürəm ki, hər şey yaxşı keçdi.

Keçirdiyiniz yoldaşlıq görüşlər haqqında nə deyərdin. Məğlub olduğunuz oyun da oldu?


Məğlub olduğumuz oyunda ağır məşqlər keçirmişdik. Çünki təlim –məşq toplanışın ilk günləri idi. Futbolçularda yorğunluq və ayaqlarda istər –istəməz ağrılar olur. Buna görə Rumınya klubuna məğlubiyyəti başa düşmək olar. Lakin bütün bunlar bizə həm fiziki güc toplamağa, həm də, oyun praktikası qazanmağa kömək etdi. Bilirsiniz, yoxlama oyunlarının nəticələri önəmli deyil. Əsas yükləmələr, oyun təcrübəsi qazanmaqdır. Bir çox yeni futbolçuların yoxlanması üçün də, çox vacibdir. Başqa yoxlama oyunda qələbə də, qazandıq. Çexiya klubunu məğlub etdik. Qazaxıstan klubunu da, məğlub etməyi bacardıq.

“Turaz Tovuz”un müdafiəsi xüsusi qiymətləndirilir. Bu müdafiənin və uğurun başında duranlardan biri də, bir futbolçu olaraq sənsən. Klubun aparıcı üzvü kimi çempionat oyununa hazırsanmı?


Düşünürəm ki, tam formaya düşmək üçün bir – iki tur lazım olacaq. Tək bizə deyil, bütün klublara aitdir. Çünki yoxlama görüşləri başqa, çempionat oyunları bir başqa olur. Çünki bu oyunlara yanaşma, motivatsiya tam ayrıdır. Fasilədən sonra ilk oyun da, güclü “Qarabağ”a qarşı olacaq. Rəqibin gücünü bilirik. Lakin biz də, meydana məğlub olmağa çıxmayacağıq. Ən azı bu oyundan xal almaq üçün vuruşacağıq. Düşünürəm ki, “Sumqayıt” və “Şamaxı” ilə oyunlara Allahın izini ilə tam hazır olacağıq.

Tərlan fasilə zamanı bilirsən ki, bir çox futbolçuların transfer xəbərləri yayılır. Bunların içərisində səndə varsan. Sənin adın “Sumqayıt” la da, hallanır. Təkliflər varmı?

Əlbəttə ki, futbolçu mövsüm ərzində, və ya, onun fasiləsinə qədər yaxşı təsir bağışlayırsa, ona təkliflər olur. Bir çox futbolçular kimi mənə də, olur. Bu haqda hətta mətbuatdan da, oxudum. Sadəcə, bu haqda hələ danışmaq istəməzdim. Çünki bütün fikrim “Turan Tovuz”a aitdır. Çünki biz ölkə kubokun yarımfinalına vəsiqə qazanmışıq. Hətta finala kimi gedə də, bilərik. Bilmək olmaz hər şey ola bilər. Çempionatda da, çox çətin oyunlarımız var. Buna görə də, hazırda fikrim Tovuz klubundadır. Bütün diqqətimi komandama yönəltmişəm. İnşallah mövsümün sonunda bu məsələyə qayıdarıq. Mənim hələ ki, mövsümün sonuna kimi “Turan Tovuz”la müqaviləm var.

Əli HƏYATİ