"Turan Tovuz"un aparıcı üzvü Tərlan Quliyevin Futbolmedia.Az saytına müsahibəsi.

Tərlan Azərbaycan kubokunda daha bir qərb derbisi izlədik. Tovuzda “Kəpəz”i qəbul etdiniz. Bu oyunda demək olar ki, hər şey vardı. Bol qolu, qırmızı vərəqə, penalti qalmaqalı və sair. “Tutan Tovuz”un aparıcı üzvü olaraq növbəti mərhələyə keçməyiniz, daha bir uğrunuz haqqında danışardın?

Çox maraqlı, bol qollu bir matç oldu. Biz fikirləşirdik ki, “Kəpəz” Gəncədəki kimi matçın ilk dəqiqələrində hücuma atılacaq. Lakin belə olmadı. Və biz irəli atılıb, ilk yarıda Gəncə klubunun qapısıa iki qol vurduq. Mən deyərdim ki, hətta 3-cü qolu da, vura bilərdik. Biz ikinci qolu vurduqdan sonra bir qədər rahatlandıq. Və rəqib komanda bundan istifadə etdi. Rəqib oyunçu Fərid Nəbiyevin indvudal keyfiyyətləri nəticəsində qapımızda iki qol gördük. Mən deyərdim ki, rəqib komandanın iki qoldan başqa elə bir təhlükəli vəziyyətləri olmadı. Biz "Turan Tovuz" adına kubokda yarımfinala yüksəlməklə, böyük uğur qazanmışıq. Bu elə -belə hadisə deyil. İnanıram ki, daha irəliyə gedəcəyik.

Sən oyun zamanı ciddi zədə almışdın kimi göründü. Meydançanı xərəkdə tərk etdin. Və bundan sonra “Turan Tovuz”un oyununda eniş oldu. Hazırda zədə ilə bağlı durumun nə yerdədir. Və həkimlər nə deyir?

Bu süni örtüklü meydançalar futbolçuların sağlamlığına ciddi təsir edir. Məndə və demək olr ki, komandanın yarısında futbolçuların ayaqlarında ağrılar var. Məhz meydança amili ilə bağlıdır. Oyun gərgin keçirdi. Yüngül zədə aldım. Ayağımdakı ağrılar artmışdı. Şükür Allaha elə bir ciddi zədə yoxdur. Fikirləşdim ki, əgər meydanı ağrıdıqdan sonra tərk etməsəydim, zədəm daha ciddi ola bilərdi.İnşallah növbəti matça qədər hazır olacam.

Matçın son dəqiqəsində qapınıza qarşı penalti qalmaqalı oldu. Baş hakim VAR-a baxsa da, penaltinin olmadığını bildirdi. Bəs sən necə düşünürsən. Həqiqətənmi, penalti yox idi. Yoxsa?

Baş hakim həmin epizodu dəyərləndirmək üçün VAR-a gedib baxdı. VAR-a baxdıqdan sonra bu qərarı qəbul etdi. Düşünürəm ki, hakim doğru qərar verdi. Belə ki, futbolçuların toqquşmasından bir an öncə top “Kəpəz”in futbolçusunun əlinə dəymişdi. Məncə, hakim bunu görüb və penalti qərarını vermədi. Yəni bütün bunlar nəzərə alınıb.

Növbəti oyununuz “Qəbələ”yə qarşı olacaq. Bu oyunda qələbə şanslarınızı necə dəyərləndirərdin. Bilirsən ki, “Qəbələ” evdə “Qarabağ”ı məğlub edərək, kubok yarışından kənarlaşdırdı. Sən bu oyunda şanslarınızı necə dəyərləndirirsən?

“Qəbələ”nin gücü və səviyyəsi elə bundan bəllidir. Yəni bu komanda çox yaxşı və dinamik futbol oynayırlar. Düşünürəm ki, çox çətin olacaq. Lakin biz də, ilin sonunu qələbə ilə başa vuraq. Ən azında bu oyndan xalla ayrılmağa çalışacağıq.


Əli HƏYATİ