"Turan Tovuz" klubunun təcrübəli futbolçiusu Tərlan Quliyevin Futbolmedia.Az saytına müsahibəsi.

Tərlan Azərbaycan Premyer Liqasında daha bir oyun izlədik. Gəncədə bir “Qərb Derbi”si baş tutdu. Maraqlı və gərgin oyun keçsə də, qalib olmadı. Bir neçə tur öncə Tovuzda “Kəpəz”i məğlub etməyi bacarmışdınız. Bu dəfə rəqib revanş almaq istəyirdi. Matç haqda fikirlərin?

İlk olaraq, onu deyim ki, oyunun ədalətli nəticəsi elə heç –heçə idi. Hər iki komanda başa –baş mübarizə apardı. Biz bilirdik ki, Gəncə səfəri çox ağır olacaq. Mən özüm də, “Kəpəz”də zamanında oynamışam. Və bilirdim ki, Gəncə azarkeşləri önündə oynamaq asan deyil. Stadionda 5000 mindən çox azarkeş vardı. Onlarda bizdən öncə “Səbail”i məğlub etməyi bacarmışdılar. Bilirdik ki, bizdən revanş alamaq istəyəcəklər. Lakin hesabı qoruyaraq bir xal qazanmağı bacardıq.

Rəqibdən çəkinməyiniz hiss olunurdu. Daha çox müdafiədən oynadınız. Əsasən əks-hücumlara üstünlük verirdiniz. Bu belədir?

Deməzdim ki, çəkinirdik. Sadəcə, onların hücuma sürtəli çıxışlarını nəzərə alaraq taktika seçmişdik. Biz də, əks –hücuma üstünlük verirdik. Əlbəttə ki, rəqib meydanında açıq futbola üstünlük verə bilməzdik. Biraz ehtiyyat edirdik. Çünki erkən qol buraxmaq istəmirdik. Bizim oyun ərzində bir neçə dəfə real qol imkanlarımız oldu. Sadəcə, onları dəyərləndirə bilmədik. Tərlan Əhmədovun baş məşqçi kimi gəlişindən sonra “Kəpəz”in oyununda müsbətə doğru dəyişikliklər var. Özlərinə məxsus oyun üslubları var. Lakin biz Gəncədən xalla dönmək istəyirdik. Bunu da, bacardıq.

Sən meydana sonradan daxil oldun. Lakin əsas heyətdə yox idin. Şəhriyarın zədələnməsi sənin meydana çıxmağına səbəb oldu. Çox yaxşı təsir bağışladın. Mən deyərdim ki, əla oynadın. Meydana sonradan çıxan futbolçular hər biri bunu bacarmır. Lakin sən əla oynadın. Öz oyunundan razı qaldınmı?

Belə ratasiyalar olacaq. Bilirsiniz ki, çox stadionlarımız süni meydançalardı. Elə Tovuz stadionu da, süni meydançadır. Bütün bunlar futbolçuların ayaqlarında ağrılara, yorğunluqlara səbəb olur. Bu görə də, bir çox futbolçulara, eləcə də, mənə istirahət lazım olur. Bəli. Sizinlə razıyam ki, sonradan meydana çıxmaq və yaxşı oynamaq çətin işdir. Şəhriyar zədələndikdən sonra meydana atıldım. Düşünürəm ki, oyuna sonradan çıxsam da, ümumi ansanbıldan geri qalmadım. Məncə, çox yaxşı çıxış etdim. Belə olmasaydı, komandamız Gəncədən xalla qayıtmazdı. Bütün futbolçularımız yaxşı təsir bağışladı. Sadəcə, bir neçə epizod zamanı bəxtimiz gətirmədi. Qələbə ilə də, qayıtmaq olardı.

Bir neçə gündən sonra Azərbaycan kubokunda “Şamaxı” ilə üz- üzə gələcəksiniz. Çempionat oyununda evdə bu komandaya gözlənilmədən məğlub oldunuz. Yəqin ki, revanş üçün alışıb-yanırsınız. Bu matçdan nə gözləyirsən. Bir turdan ibarətdir oyun olacaq?

Mən “Şamaxı” ilə oyundan öncə də, demişdim ki, çətin oyun olacaq. Belə də, oldu. Bu rəqibə yuxarıdan –aşağı baxmaq olmaz. Özünüz də, gördünüz ki, iki turdu qalib gəlirlər. Mübariz keyfiyyətləri olan komandadır. Belə komandalarla oyunlar çətin keçir. Lakin kubok oyununda “Şamaxı”ya qarşı bir qisas, revasş oyunu kimi baxmaq lazımdır. Nə olursa –olsun, turu keçən tərəf olmalıyıq. Bunun üçün əlimizdən gələni edəcəyik. Komandamız da, bunu yaxşı dərk edir. Səfərdə olan oyunda mütləq diqqətli olmalıyıq. İnanıram ki, sonda qalib tərəf biz olarıq.

Əli HƏYATİ