"Turan Tovuz" klubunun futbolçusu Tərlan Quliyevin Futbolmedia.az saytına açıqlaması.

Tərlan klubunun təcrübəli və əsas üzvü kimi fasiləyə qədər “Turan Tovuz”un oyununu necə qiymətləndirərdin?

Düçünürəm ki, pis təsir bağışlamadıq. Nəzərə alamaq lazımdır ki, illər sonra Azərbaycan premyer liqasına vəsiqə qazandıq. Hazırda turnir cədvəlində 6-cı pilləsindəyik. Həmçinin, ölkə kubokunda da, yarımfinala yüksəlmişik. Bu hazırki durumda “Turan Tovuz” üçün çox böyük uğur sayılır. Bu büddcə ilə çox yaxşı nəticələrdir. Biz özümüz belə çempionatın əvvəlində gözləmirdik. Yəni vuruşurduq, döyüşürdük. Lakin belə yaxşı olacağını düşünmürdük. Çünki çempionatda yaxşı maliyəsi, güclü legionerləri olan klublar var. Mən deyərdim ki, bundan da, yaxşı nəticə əldə etmək olardı. Əlimizə düşüən şansları qola çevirə bilsəydik. Lakin sıfırdan qurulan klub üçün bu uğuru sensasiya adlandırmaq olar. Bütün bu uğurlar, qələbələr, baş məşqçimiz Ayxan müəllimin, bütün futbolçuların, kollektivin əziyyəti və əməyi sayəsində əldə edilib.

Təlim –məşq toplanışını necə keçir. Bilirik ki, bir neçə gündən sonra Türkiyəyə təlim –məşq toplanışına yola düşəcəksiniz. Tərlan neçə illərdi ki, sən xarici ölkədə təlim –məşq toplanışına qatılmırsan. Hətta sabiq klubun “Keşlə”də belə getmədiniz. Yəqin ki, darıxmısan. Həm də, daha maraqlı olacaq?

Artıq təlim –məşq prosesinə start vermişik. Ayın 7-nə qədər Azərbaycanda məşqlər edəcəyik. Yanvarın 7-də isə Türkiyəyə yola düşəcəyik. Üç yoxlama matçı keçirməyi planlaşdırılıb. Məşq prosesinin əsas hissəsi Türkiyədə olacaq. Çünki belə təlim –məşq toplanışları bütün klublar üçün vacibdir. Düşünürəm ki, bizim komanda üçün də, çox faydalı olacaq. Mənim illərdi xarici ölkədəki təlim –məşq toplanışına qatılmamağım doğrudur. “Keşlə”nin heyətində də, xarici getmədik. Hardasa bir neçə mövsüm olar ki, getməmişəm. Təsəvvür edin ki, “Keşlə” avroliqaya düşən komanda olaraq xarici ölkədə təlim –məşq keçmədi. Əslində bu biabırçılıq idi. Nə proseslər baş verirdi deyə bilmərəm. Lakin çox bərbad bir vəziyyət idi. Babalları öz boynuna. Belə deyək ki, çox maraqlı olacaq. Özüm də, darıxmışam. Çox vacib bir prosesdir. İnanıram ki, komandamız üçün çox faydalı olcaq.