"Turan Tovuzun" aparıcı üzvü Tərlan Quliyevin Futbolmedia.Az saytına müsahibəsi.

Tərlan Premyer Liqanın növbəti turunda evdə “Səbail”lə qarşılaşdınız. Doğma meydanda heç –heçə ilə kifayyətləndiniz. Çoxları “Turan Tovuz”un evdə qalib gələcəyini təxmin edirdi. Lakin belə olmadı. Qarşılaşma və nəticə haqqında nə deyərdin?

Oyunun ağır keçəcəyini bilirdik. Çünki “Səbail”lə aramızda üç xallıq fərq vardı. Buna görə də, həm rəqibə, həm də, bizə qələbə lazım idi. “Sumqayıt”la oyunda qələbə qazanan rəqib, Tovuza da, 3 xal üçün gəlmişdi. Oyuna gəlincə isə ilk yarıda real qol vəziyyətlərimiz çox oldu. Hətta 2-3 top fərqi ilə önə keçə bilərdik. Lakin ikinci yarıda rəqib komanda daha daha yaxşı təsir bağışladı. İkinci yarıda meydanı verdik rəqibə. Düşünürəm ki, oyunun elə ədalətli nəticəsi heç –heçə idi.

İkinci yarıda qapınız qarşısında çoxlu sayda təhlükəli vəziyyətlər yarandı. Hətta qapıçınız Təlan Əhmədli bir çox qurtarışlar etdi. İkinci yarıda nə çatmadı ki, zəif təsir bağışladınız?

Sadəcə futboldur. İlk yarıda biz, ikinci də, isə rəqib yaxşı oynadı. Bundan başqa öz meydanımızda qalib gəlmək istəyirdik. Buna görə komanda şəklində irəli atılırdıq. Bizim də, xırda səhvlərimiz olurdu. Müdafiə və orta sahədə səhvlər olmuşdu. Bilirsiniz, yeni yaranmış komandadır. Belə səhvlər, belə nəticələr ola bilər. Əsas odur ki, səhvlərdən nəticə çıxardaq. Və qarşıdakı oyunlarda xallar qazanaq.

Komandanın kapitanı Şəhriyyar zədələndi. Sən də, əsas heyətdə iki turdu oynamırsan. Ayxan Abbasovun ən ehtimad etdiyi müdafiəçilərdən biri sənsən. Nədən iki oyundur əsas heyətdə yoxsan. Lakin Şəhriyyarın yoxluğunu nəzərə alsaq,növbəti turda sənin əsas heyətdə meydana çıxacağın gözlənilir. Niyə iki turdu oyunda yoxsan?

Açığı, mənim əsas heyətdə meydana çıxmamağımla bağlı danışmağım düz olmaz. Buna baş məşqçi qəra verir. Yəni mənim bu haqda nəsə deməyim düzgün olmaz. Lakin mənimlə bağlı hər şey qaydasındadır. Mən hər an, hər zaman meydana girməyə hazıram. Yüksək səviyyədə məşq edirəm. İstənilən zaman meydana çıxıb komandama yarımçı ola bilərəm. Həmçinin, “Neftçi” ilə oyuna da, hazır idim. Sadəcə, ratasiyalar olur. Çünki komandalar beş gündən bir oyunlar oynayır. Düşünürəm və inanıram ki, Ayxan müəllim növbəti turlarda mənə ehtimad göstərəcək. Yəni mən baş məşqçinin döyüşçüsü kimi hər zaman hazıram.

Növbəti turda daha güclü, daha əzəmətli “Qarabağ”la qarşılaşacaqsınız. Müdafiədə böyk itki var. Sənin də,bu oyunda meydana gimək ehtimalın ola bilər. Çünki kapitanın zədələnməsi, sən də olmasan , müdafiə “Qarabağ” kimi güclü rəqibəqarşı təcrübəsiz futbolçularla çıxa bilər. Bu isə heç də, yaxşı sonluqla nəticələnməyə bilər. Oyun haqqında fikirlərin?

Qarabağ”ı tanıtmağa ehtiyyac yoxdur. Avropa səviyyəsində olan bir komandadır. Onlarla oyun istənilən komanda üçün çətin keçir. Pik həddində olan komandadır. Heyətinin 22-23 futbolçusu hazırda yüksək formadadılar. Lakin biz “Neftçi” ilə oyundakı kimi sidq ürəklə meydana çıxaraq vuruşsaq, nə isə etmək olar. Yəni ən azından meydanı məğlub tərk etmərik. Belə rəqiblə oyunda qələbə qazanacağımızı öncədən demək doğru olmaz.

Əli HƏYATİ