"Turan Tovuz" klubunun futbolçusu Tərlan Quliyevin Futbolmedia.Az saytına müsahibəsi.

Tərlan Premyer Liqanın 5-ci turunda səfərdə “Şamaxı”nı məğlub edərək xalınızı daha da, yüksəldiniz. Ağır şəraitdə keçən oyunda qalib siz oldunuz. Bu qələbə haqda fikirlərin?

Düzünü deyim ki, səfərə yalnız qələbə üçün yollanmışdıq. Onların oyunlarını da, yaxşı analiz etmişdik. Gənc və döyüşkən bir komanda olduğunu bilirik. Buna görə bizi çətin bir oyun gözlədiyini anlayırdıq. Rəqib komanda komanda şəklində hücuma atlır, komanda şəklində müdafiə olunurdu. Bundan başqa günorta saatlarında isti havada keçirilən oyun səhətimizə də, çox pis təsir etdi. Çox çətin oldu. Lakin bütün bunlara baxmayaraq səfərdən qələbə ilə dönməyi bacardıq.

Qələbənizin və hələ ki, uğrunuzun səbəbini nədə görürsən. Buna təkan verən amillər nədir. Axı siz də, yeni qurulan komandasınız?

Bu qələbələrin, uğurların əsas səbəblərindən bir də, gözəl və mehriban kollektiv olmağımızdır. Komanda daxilində nizam – intizam höküm sürür. Hətta ilk oyunda belə məğlub olmağımıza baxmayaraq, klub rəhbərliyi, baş məşqçimiz səbirlə, təmkinlə, davrandı. Buna görə,uğurların əsas səbəbi kimi bu mehribançılığı, peşəkarlığı, nizam – intizamı demək olar.

Komandanın müdafiə xətti mükəmməl oyun sərgiləyir. Çox az top buraxan komandalar sırsındasınız. Əlbəttə ki, bu uğurlu nəticədə bir təcrübəli müdafiəçi kimi sənin əməyini xüsusi qiymətləndirmək olar. Oyun zamanı çox əziyyə çəkir, xeyir verirsən. Bir jurnalis olaraq belə düşünürəm Bəs sən necə düşünürsən?

Digər oyunlardan fərqli olarq, “Şamaxı” ilə matçda çətinlik çəkdim. Əlbəttə ki, bunu da, erkən saatlarda isti hava şəraiti ilə əlaqələndirərdim. Çox çətin oyun oldu. “Turan Tovuz” komanda şəklində əla oyun sərgiləyir. Elə müdafiə xəttimiz də, komanda şəklində yaxşı oynayır. Mənim futbolda təcrübəm az deyil. Bir çox klublarda, bir çox komandalarda çıxış etmişəm. Həm avropanın güclü klublarına qarşı oynamışam. Milli komandanın heyətində də, adlı sanlı futbolçularl meydanda mübarizə aparmışam. Düşünürəm ki, bu amil, təcrübəm də, mənə çox yardımçı olur. Əslinə qalsa potensialım bundan da, yaxşı çıxış etməyimə imkan verir. Lakin yeni komandada, yeni sistemlə oynayııq. Biraz zamana ehtiyyac var.Növbəti oyunlarda daha yaxşı oyun sərgiləməyə çalışacam.



Npövbəti turda “Kəpəz”la qarşılaşacaqsınız. Futbolun beşiyi hesab edilən iki bölgə klubunun mübarizəsi olacaq. Bunu həm də bir Qərb “Derbi”si adlandırmaq olar. Bu oyunda qalib gəlmək şanslarınızı necə dəyərləndirirsən?

“Kəpəz”in oyunlarını izləmişəm. Pis təsir bağışlmırlar. Hətta “Qarabağ”la oyunlarını da, izlədim. Sizə deyim ki, komanda minimal hesabla məğlub olduğu oyunda yaxşı təsir bağışladı. Hazırda onlara 3 xal hava –su kimi lazımdır. Buna görə meydana sona qədər mübariə aparmaq üçün çıxacaqlar. Bizi gərgin bir oyun gözləyir. Lakin biz də, meyda 3 xal üçün çıxacağıq. Çalışacağıq ki, məğlubiyyətsiz seriyamızı davam etdirək.