"Səbail" klubunun futbolçusu Adil Nağıyevin Futbolmedia.Az saytına müsahibəsi

Premyer Liqanın 13-cü turunda səfərdə “Keşlə” ilə qarşılaşdınız. Maraqlı və bol qollu qarşılaşma oldu. Son anda məğlubiyyətdən qurtulmağı bacardınız. Matç haqda fikirlərin?

Çox gərgin və maraqlı oyun keçdi. İlk hissənin sonunda penaltidən qapımızda qol gördük. Bundan başqa ikinci yarı başlayar-başlamaz ikinci qol qapımızdan keçdi. Bundan sonra çox çətin oldu. Komandanın ruh yüksəkliyi aşağı düşmüşdü. Lakin özümüzü toparlamağı bacardıq. Daha erkən dəqiqələrdə bir qol vursaydıq, oyunun gedişatını dəyişə bilcəyinə inanırdıq. Real qol imkanlarımız az olmadı. Sonda ikinci qolu vuraraq, məğlubiyyətdən qaça bildik.

Rəqibin azlıqda qalması, məğlubiyyətdən qurtulmağınıza yaradığını etiraf edirsən?

Sözsüz ki, rəqibin azlıqda qalması işimizə çox yaradı. Həmçinin hücumçusunun qırmızı vərəqə alması, rəqibdə ruh düşgünlüyü yaratdı. Lakin komandamız sonacan vuruşdu. Qollardan birinin əvəzini çıxdıqdan sonra rəqib komanda daha çox müdafiəyə diqqət yetirdi. Bizim də,hücum etməyimiz üçün əla bir fürsət oldu. Bndan başq komandamızda taktiki dəyişikliklər oldu. Daha çox hücum etməyə başladıq.

Bu heç –heçənin qələbəyə layiq olduğunu söyləmək olar.Lakinümumi götürəndə hazırda turnir cədvəlində durumunuz ürəkaçan deyil?

Bilirsiniz, iki top geri düşdükdən sonra gəlib heç-heçə etmək və bir xal qazanmaq asan iş deyil. Mən bu bir xalı üç xala bərabər tuturam. Hazırki durumumuz elədir ki, bir xalda bizim üçün çox vacibdir. Əslində biz səfərə qələbə üçün yollanmışdıq. Lakin hadisələr elə baş verdi ki, məğlub duruma düşdük. Komandamıza əhsən olsun ki, geridönüş etməyi bacardı.

Növbəti oyununuz “Sabah”a qarşı olacaq. Bu ilin son qrşılaşmasına çıxacağınız oyunda qələbə qazanmaq şanslarınızı necə dəyərləndirirsən?

“Sabah” çox yaxşı oyun sərgiləməyə başlayıb. Neçə turlardı ki, məğlubiyyət tanımırdı. Son oyunda güclü “Qarabağ”a səfərdə məğlub oldular. Lakin onların da xala çox böyük ehtiyacı olduğunu götürsək, bizi çox çətin oyun gözləyir. Qış fasiləsinə qələbə ilə yollanmaq üçün əlimizdən gələni eəcəyik. Lakin “Sabah”la oyundan öncə bizim hələ kubok oyunumuz var. Uzaq səfər oyununa yollanacağıq. Yol yorğunluğunu da, nəzərə almaq lazımdır. Lakin meydana qələbə üçün çıxacağıq.

Əli HƏYATİ