"Neftçi" klubunun aparıcı üzvü Rəhman Hacıyevin Futbolmedia.Az saytına müsahibəsi.

Hazırda zədə ilə bağlı son durumun bağlı məlumat verərdin. Çünki “Neftçi” azarkeşləri, səni sevənlər çox narahatdır. Rəhman vəziyyətin necədir?

Bildiyiniz kimi ayağımda yırtıq əmələ gəlmişdi. Çox ağrılı və çətin zədədir. Məni dəstəkləyən və durumumla bağlı narahat olan,“Neftçi”azarkeşlərinə öz təşəkkürümü bildirirəm. Ümumiyyətlə, mənə görə narahat olan hər birinə. Hazırda zədəmi sağaltmaqla məşğulam.

Rəhman bəs həkimlər nə deyir. Yəni bu zədə nə qədər çəkəcək. Və neçə gün komandadan, məşqlərdən ayrı qalacaqsan?

Həkimlər zədəmlə bağlı nə lazımdırsa edirlər. Yırtıqla bağlı nə müalicə lazımdırsa edilir. Ola bilsin ki, 7-10 müddətinə sağalacam. Bu adi bir zədədir. Elə qorxulu bir şey yoxdur. Biz futbolçuların karyerası boyunca bir çox zədələri görür, onları atladırıq. Hər gün müalicəm üçün həkimə gedirəm. İnanıram ki, hərşey yaxşı olacaq. Hər şey yaxşı olsa, “Zirə” ilə oyuna yetişə bilərəm. Belə deyim ki, zədənin sağalma gedişatından çox şey aslıdır. Yox əgər “Zirə” ilə oyuna yetişə bilməsəm. Artıq qış fasiləsinə yollanacağıq. Mən qış fasiləsində daha yaxşı hazırlaşa biləcəyimi düşünürəm. Təlim –məşq zamanı yoldaşlıq, yoxlama, oyunlarında daha yaxşı toparlana bilərəm. Bu hazırlıq ikinci dövrə üçün komandamıza çox faydalı olacaq. İnşəallah tez sağalacam.

Azərbaycan Premyer Liqasında “Neftçi” növbəti oyunu sənin doğma torpağın , məkanın oan Tovuzda olacaq. Yəni indidən söyləmək olar ki, “Turan Tovuz”la səfər oyunu ağır olacaq. Sən də, bir neçə tur öncə əsas heyətdə Tovuz klubuna qarşı oynamışdın. Bu matçda komandan “Neftçi”nin qələbəsini necə dəyərləndirirsən. Şanslarınız necədir?

Mən bu oyunda oynaya bilməsəm də, ürəyim komandamla birgə döyünür. Çox istərdim bu oyunda meydanda olum. Və komandama qələbə qazanması üçün yardım edim. Lakin bu hazırda mümkün deyil. Ancaq komandama güvənirəm. Və çox istərdim ki, Tovuz səfərindən qalibiyyətlə dönək. İnanıram ki, bunun öhtəsindən gələcəyik. Bu qələbə, üç xal bizə mütləq lazmdır. Qış fasiləsinə qədər iki oyunda qalib gəlməliyik ki, xal ehtiyyatımızı artıraq.

Rəhman bildiyin kimi bütün dünyanın, futbol adamlarının, futbolu sevən şəxslərin gözü Qətərdə keçrilən Dünya çempionatındadır. Keçən müsahibəmizdə çox düzgün proqnozlar vermişdin. Asiya və Afrika millilərinin sensasiya edə biləcəyini demişdin. Lakin Braziliyanın, Almaniyanı digər hegemon millilərin uduzmasını gözləmirdin?

Doğurdan da, Braziliya millisinin məğlubiyyətini heç gözləmirdim. Əslində,mənim fovaritim Braziliya milliisi idi. Bu qədər real qol vəziyyətlərindən istifadə edə bilməmələrinin sonu belə də, olmalı idi. Bu futbolun yazılmamış qanunudur. Futbolda sən vura bilməyəndə, sənə vuracaqlar. Çox təssüflər olsun ki, belə oldu. Lakin oyun penaltilərə qədər gedəndə, artıq düşündüm, hiss etdim ki, Braziliya məğlub olacaq. Belə də, oldu. Ümumiyyətlə, bu DÇ-2022 –də hər nəticə ola bilər. Qabaqcadan nəsə demək artıq mümkün deyil. Çünki bu Mundial proqnozları alt-üst etdi. Mən Braziliyadan çempionluq gözləyirdim. Bəlkə də, bütün dünya bunu gözləyirdi. Lakin baxın görün yarımfinala hansı komandalar çıxdı. Çox maraqlı, qəribə bir Mundial keçir.

Əli HƏYATİ